Türkiyə ora 87 döyüş gəmisi, 28 PUA və 31 döyüş təyyarəsi ilə gedir - Bu ölkə təlaş içində - VİDEO

Türkiyə, "Mavi Vatan 2025" təlimini 87 gəmi, 7 sualtı qayıq, 31 təyyarə və yerli-milli sistemlərlə 20 min nəfər heyətin iştirakı ilə Xəzər dənizi, Ege dənizi və Aralıq dənizində eyni anda keçirəcək.

Təlim Yunan mətbuatı tərəfindən narahat bir üslubla oxuculara təqdim edilib.

Böyük miqyaslı təlim, Türk Silahlı Qüvvələrinin dəniz əməliyyatlarındakı hazırlığını artırmağı, tapşırıq səmərəliliyini yüksəltməyi və koordinasiya bacarıqlarını inkişaf etdirməyi hədəfləyir. Bu təlim Türkiyənin dənizlərdəki fəaliyyətini və əməliyyat qabiliyyətini eyni anda Xəzər dənizi, Ege dənizi və Aralıq dənizində test edəcək.

Yunanıstan mətbuatı "Mavi Vatan 2025" təliminə geniş yer ayırıb.

Milli.Az-ın məlumatına görə, "Ta Nea" qəzeti "100 döyüş gəmisi ilə Mavi Vatan" başlığını istifadə edərək təlimi "provokativ" olaraq qiymətləndirib və Türkiyənin regional gücünü artırma cəhdinə diqqət çəkib. Həmçinin, Yunan döyüş gəmilərinin Türk donanmasının hərəkətlərini yaxından izləyəcəyi vurğulanıb.

Təlimin vaxtı, Yunanıstan Baş Naziri Kiriakos Miçotakisin Ankaraya səfəri öncəsi diqqət çəkib. "Kathimerini qəzeti", "Ankaradan 2025-ə "Mavi Vatan'" ilə başlayış" başlığını istifadə edərək Türkiyənin dənizlərdəki strateji hədəflərinə işarə edib.

Təlimdə Türk Dəniz Qüvvələrinin inventarına yeni daxil olan yerli və milli silah sistemləri, sursatlar və pilotsuz sualtı vasitələr istifadə olunacaq. Bu texnologiya, təlimin həm müdafiə sənayesi baxımından, həm də milli təhlükəsizlik siyasətləri baxımından kritik əhəmiyyət daşımasını təmin edir.

Dəniz Qüvvələrindən əlavə, Quru və Hava Qüvvələri ilə Sahil Təhlükəsizlik Komandanlığının da qatılacağı təlim Türkiyənin üç dənizdə eyni anda əməliyyat təşkil etmə qabiliyyətini göstərir. "Mavi Vatan 2025" Türkiyənin dənizlərdəki fəaliyyətini artırma strategiyasının ən önəmli addımlarından biri kimi görülür.

Xəyal Abdullayev
Milli.Az