Ölkə

Xırdalan ciddi nəzarətə götürülməlidir: Kəmalə Ağazadədən çağırış

18 İyun 2026 21:18

Baxış: 3 895

VTB-də minimal faiz dərəcəsi ilə nağd kredit 9.9%-dən

#UŞAQ

"Azərbaycan Uşaqları" İctimai Birliyinin sədri Kəmalə Ağazadə sosial şəbəkə hesabında diqqətçəkən paylaşım edib.

Milli.Az xəbər verir ki, Kəmalə Ağazadə paylaşımında Abşeron rayonu, xüsusilə də Xırdalan şəhərində yeniyetmə və gənclərlə bağlı narahatedici halların artdığını vurğulayaraq bunları qeyd edib: "Abşeron rayonu Bakıya üz tutan bir çox region əhalisinin məskunlaşdığı ərazidir. Əsasən də məskunlaşma daha çox Xırdalan şəhərinin payına düşüb. Əsasən də yeniyetmə və gənclərin "formalaşdığı" ərazi Xırdalandır. Xırdalanı ciddi nəzarətə götürməyin zamanıdır. Bizə yerləşdirilən uşaqların 70% -i Xırdalan ərazisində ən azı bir dəfə ünsiyyətə keçmək üçün TikTokda tanışlıq vasitəsi ilə bura baş vuranlardır. Orada isə narkotik, fahişəlik "keyfinin" az da olsa dadına baxırlar.

Evdən qaçanların bir çoxu bu ərazidə aşkarlanır...Özü də daha çox azyaşlıları kafe və çayxanalarda...Hətta işçi kimi...
Həyəcan təbilini çalmağa gecikirik...
Ətraflı yazacağım üçün hələ heç bir qurumu işarələmirəm".

Müəllif: Ülkər Vəliyeva (Milli.Az redaktor)