Maraqlı

Bahalı kremlərə ehtiyac yoxdur: 5 dəqiqədə hazırlanan təbii nəmləndirici

19 İyun 2026 05:05

Baxış: 358

VTB-də minimal faiz dərəcəsi ilə nağd kredit 9.9%-dən

#MAKİYAJ

Kosmetika mağazalarında satılan kremlərə külli miqdarda pul xərcləyib, lakin istədiyiniz nəticəni ala bilmirsiniz? Artıq market rəflərindəki kimyəvi tərkibli məhsulları bir kənara qoya bilərsiniz. Evdə, cəmi 5 dəqiqədə hazırlaya biləcəyiniz bu təbii krem həm büdcənizə qənaət edəcək, həm də cildinizi dərindən nəmləndirəcək.

Milli.Az təbii krem üçün lazım olanları təqdim edir:
Bu resept üçün sadəcə 4 əsas inqrediyentə ehtiyacınız var:

1 stəkan avokado yağı: Dərini kökündən qidalandıran zəngin yağ turşuları ilə doludur.

Aloe vera jeli: Cildə nəfəs aldırır, sərinləşdirir və sakitləşdirir.

Bir az qliserin: Nəmli saxlayaraq gün boyu dərinin qurumasının qarşısını alır.

Bir neçə damla lavanda yağı: Möhtəşəm qoxusu ilə terapiya effekti yaradır.

Hazırlanması və tətbiqi:
Bütün məmulatları təmiz bir qaba tökün və tamamilə homojen (kremsi) bir tekstura alana qədər yaxşıca qarışdırın. Krem hazır olduqdan sonra təmizlənmiş dərinizə masaj hərəkətləri ilə tətbiq edə bilərsiniz. Bu qarışım cildinizi yumşaldacaq və ona təbii bir parlaqlıq verəcək.

Kremdəki hər bir inqrediyentin özünəməxsus funksiyası var:

Avokado yağı dəri baryerini gücləndirir.

Aloe vera günəş və ya soyuq hava səbəbindən yaranan qıcıqlanmanı aradan qaldırır.

Qliserin nəm itkisinin qarşısını alır.

Lavanda yağı isə qulluq rutininizi xoş bir ritüələ çevirir.

Hər nə qədər təbii olsa da, dəriniz həssasdırsa, ehtiyatlı olmalısınız. Kremi bütün üzünüzə tətbiq etməzdən əvvəl mütləq kiçik bir nahiyədə (məsələn, biləyin iç tərəfində) test edin. Əgər heç bir allergik reaksiya olmasa, məhsulu rahatlıqla istifadə edə bilərsiniz.

Müəllif: Ülkər Vəliyeva (Milli.Az redaktor)