Cəmiyyət

Yağış yağsa, yol çökə bilər?

19 Noyabr 2026 14:44
Baxış: 190
VTB-də minimal faiz dərəcəsi ilə nağd kredit 9.9%-dən

Qobuda yolun bir gecədə qazılıb asfaltlanması sakinlərin narazılığına səbəb olub.

Milli.Az xəbər verir ki, sosial şəbəkələrdə yayılan görüntülərə əsasən, Abşeron rayonunun Qobu qəsəbəsində kanalizasiya xəttinin yenilənməsi üçün yolun bir hissəsinin qazıldığı bildirilir.

Sakinlərin iddiasına görə, işlər başa çatdıqdan sonra qazılan ərazi lazımi qaydada bərpa edilməyib. Belə ki, yolun qazılmış hissəsinin üzəri örtülərək asfaltlanıb.

Vətəndaşlar görülən işlərin keyfiyyətindən narahatdırlar. Onlar hesab edirlər ki, yolun bu şəkildə təmir olunması uzunömürlü olmayacaq. Xüsusilə yağışlı havalarda asfaltın dağılması və ərazidə yenidən çökmə baş verməsi ehtimalı var.

Qəsəbə sakinləri aidiyyəti qurumlara müraciət edərək aparılan işlərin keyfiyyətinin yoxlanılmasını və yolun texniki standartlara uyğun şəkildə bərpa edilməsini istəyirlər.  

Müəllif: Aysel Əkbər (Milli.Az müxbir)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.