Mədəniyyət

Azər Mirzəyev Sabirabad rayonunda dəfn edildi - YENİLƏNİB - FOTO

19 İyul 2014 14:44

38 Şərh Baxış: 24 294

VTB-də minimal faiz dərəcəsi ilə nağd kredit 9.9%-dən

#AZERBAİJAN #MƏDƏNİYYƏT

14:44

Azərbaycanın əməkdar artisti Azər Mirzəyev dəfn edilib

APA-nın məlumatına görə, dəfn mərasimindən əvvəl Sabirabad şəhərində yerləşən məsciddə mərhumun ruhuna dualar oxunub və cənazə namazı qılınıb.

A.Mirzəyev Sabirabad rayonunun Kürkəndi kəndinin qəbiristanlığında atasının qəbrinin yanında torpağa tapşırılıb.

Dəfn mərasimində rayon icra nümayəndələri, yerli ictimaiyyət, mərhumun qohumları və sənət yoldaşları iştirak ediblər.

Qeyd edək ki, A.Mirzəyev ürək çatışmazlığından dünyasını dəyişib. O, uzun müddətdir insult və ürək çatışmazlığından əziyyət çəkirdi.

---------
10:55

Akademik Milli Dram Teatrında tanınmış aktyor, əməkdar artist Azər Mirzəyevlə vida mərasimi keçirilməyəcək

Teatrın direktoru İsrafil İsrafilov AzNews.az-a açıqlamasında bildirib ki, əməkdar artist ailəsinin istəyi ilə Sabirabadda, valideynlərinin yanında dəfn ediləcək:

"Artıq kollektivin üzvləri Sabirabaddadırlar. Mən isə Bakıda təşkilati məsələləri həll etməklə məşğulam. Onun üç mərasimini biz təşkil edəcəyik".

Qeyd edək ki, tanınmış aktyor bu gecə saat 03:00 radələrində dünyasını dəyişib. Onun ölümünə ürək çatışmazlığı səbəb olub. Allah rəhmət eləsin!

---------
10:39

Bu gecə saat 03:00 radələrində tanınmış aktyor Azər Mirzəyev dünyasını dəyişib

Aktyor, tele-aparıcı Elnur Kərimovun simsar.az-a verdiyi məlumata görə, aktyorun ölümünə ürək çatışmazlığı səbəb olub.

62 yaşında dünyasını dəyişən aktyorun cənazəsi böyüdüyü Sabirabad rayonunda torpağa tapşırılacaq.

O, 2 il əvvəl keçirdiyi iflic xəstəliyindən əziyyət çəkirdi

Qeyd edək ki, Azər Mirzəyev 1952-ci il may ayının 12-də Zərdab rayonunda müəllim ailəsində anadan olub. Atasının işi ilə əlaqədar olaraq sonradan ailəsilə Sabirabad rayonuna köçən Azər orta məktəbi burda başa vurub və 1968-ci ildə SSRİ xalq artisti Ədil İsgəndərovun rəhbərliyi altında "Azərbaycanfilm"in nəzdində fəaliyyət göstərən kino aktyorluğu studiyasına qəbul olunub.

1970-ci ildə buranı bitirəndən sonra sənədlərini İncəsənət İnstitutunun dram və kino aktyorluğu fakültəsinə verib və qəbul olunub. İncəsənət İnstitutunda respublikanın xalq artisti, professor Rza Təhmasib və Fikrət Sultanov kimi korifey sənətkarlardan akytorluq sənətinin sirlərini öyrənib.

1974-cü ildə bu ali məktəbi bitirəndən sonra təyinatla Azərbaycan Dövlət Gənc Tamaşaçılar Teatrına göndərilən Azər Mirzəyev o gündən indiyədək bu teatrın səhnəsində neçə-neçə gözəl obrazlar yaradıb.

-----------
10:11

Əməkdar artist, aktyor Azər Mirzəyev vəfat edib

Milli.Az qafqazinfo-ya istinadən xəbər verir ki, bu haqda Azərbaycan Dövlət Gənc Tamaçaşılar Teatrının aktyoru Elnur Kərimov sosial şəbəkədə məlumat yayıb.

Milli.Az

----------
14:44

Böyütmək üçün şəkillərə klikləyin.