Mədəniyyət

Sumqayıtda Üzeyir Hacıbəylinin abidə kompleksi açılıb

16 Sentyabr 2010 11:51
Baxış: 866
VTB-də minimal faiz dərəcəsi ilə nağd kredit 10.49%-dən
#AZERBAİJAN
Sumqayıt şəhər İcra Hakimiyyətindən Milli.Az xəbər portalına daxil olan məlumata görə, açılış mərasimində Azərbaycan Respublikası Mədəniyyət və Turizm naziri Əbülfəs Qarayev, Sumqayıt şəhər İcra hakimiyyətinin başçısı Vaqif Əliyev, şəhərin idarə, müəssisə və təşkilatlarının rəhbərləri, şəhər ictimaiyyəti iştirak edib. Mərasimdə çıxış edən şəhər İcra hakimiyyətinin başçısı V.Əliyev son illər şəhərdə görülən yenidənqurma işlərindən danışıb. O, şəhərin mədəni həyatındakı bu yenilik münasibətilə sumqayıtlıları təbrik edib.

Mərasimdə Respublika Mədəniyyət və Turizm Nazirliyinin nəfəs alətləri orkestri, Sumqayıt şəhərindəki 2 nömrəli incəsənət məktəbinin xalq çalğı alətləri orkestri və vokalçılar tərəfindən dahi bəstəkarın əsərləri ifa edilib.

Abidə kompleksinin inşa edildiyi xiyabanın eni - 23 metr, ərazinin uzunluğu - 61 metr təşkil edir. 1340 kvadrat metrlik abadlaşdırılan sahənin təxminən 740 kv.metr hissəsində tamet döşəmə salınıb, yaşıllaşdırılan sahələrdə, əsasən, çəmən, dekorativ ağac və kollar əkilib, oturacaqlar, müasir işıqlandırma sistemi quraşdırılıb.

Sumqayıt şəhərinin baş rəssamı Vaqif Nəzirovun müəllifi olduğu Ü.Hacıbəyovun abidəsinin ümumi hündürlüyü 12 metr, postamentin oturacaq ölçüsü 7,5 x 7,5 m -dir. Postament royal formasında olub, qara qranitlə üzlənib, yüksələn hissəsi orqan borularının simvolik təsviri kimi verilib, üzərində 5 metr yüksəklikdə yerləşən bürüncdən hazırlanan barelyefin fonu isə ağ mərmərdən üzük qaşı formasında işlənilib. Əks tərəfdən isə eyni fon üzərində milli musiqi alətlərimizin, tar, kaman və qavalın tökmə bürüncdən təsviri yerləşib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.