Mədəniyyət

Xalq artisti Şükufə Yusupova ilə bağlı son vəziyyət

24 Avqust 2026 11:29

Baxış: 317

VTB-də minimal faiz dərəcəsi ilə nağd kredit 9.9%-dən

#XALQ ARTİSTİ

Avqustun 21-i Kliniki Tibbi Mərkəzə hospitalizasiya olunan 1954-cü il təvəllüdlü şəxsin (Şükufə Yusupova - red.) müalicəsi palata şəraitində davam etdirilir.

Milli.Az xəbər verir ki, bu barədə APA-nın sorğusuna cavab olaraq TƏBİB-dən məlumat verilib.
Bildirilib ki, onun vəziyyəti stabil qiymətləndirilir.

Qeyd edək ki, avqustu 21-i "İçərişəhər" metrostansiyasının yaxınlığında yolu qarşı tərəfə keçərkən piyada keçidində Xalq artisti Şükufə Yusupovanı maşın vurub. O, Kliniki Tibbi Mərkəzin Təcili və Təxirəsalınmaz Tibbi Yardım şöbəsinə qəbul olunub. Xəstəyə dərhal ilkin zəruri tibbi xidmətlər göstərilib və müayinələr aparılıb. Aparılan müayinələrin nəticələrinə əsasən pasiyentə çanaq və qabırğanın sınıqları diaqnozları təyin edilib. Faktla bağlı Səbail Rayon Polis İdarəsində araşdırma aparılır.

Müəllif: Nərmin Mahmudova (Milli.Az müxbir)