Mədəniyyət

“Kamera musiqisi axşamı” adlı möhtəşəm konsert keçirilib – FOTO

13 Noyabr 2025 18:10

Baxış: 279

VTB-də yüksək depozit faizleri daha çox qazandırır

Kamera və Orqan Musiqisi Zalının səhnəsində "Kamera musiqisi axşamı" adlı möhtəşəm konsert keçirilib.

Zərif musiqi atmosferində baş tutan bu axşamda Azərbaycan Dövlət Simli Kvarteti dinləyicilərə yüksək səviyyəli ifa mədəniyyəti və dərin bədii zövq bəxş edib. Konsert proqramında klassik musiqi irsinin iki möhtəşəm nümunəsi - L.v.Beethoven'in 4 saylı simli kvarteti (c-moll, op.18) və C.Franck'ın D-dur simli kvarteti səslənib.

Dərin emosional təsir gücünə malik bu əsərlərin peşəkar ifası dinləyiciləri klassik musiqinin ahənginə qərq edərək zalda unudulmaz bir harmoniya yaradıb.

Kamera musiqisi axşamı musiqisevərlərin uzun müddət susmayan alqışlarıyla başa çatıb. Azərbaycan Dövlət Simli Kvartetinin bu parlaq çıxışını kollektivin uğurlu yaradıcılıq yolunun davamı hesab etmək olar.

Qeyd etmək lazımdır ki, Azərbaycan Dövlət Simli Kvarteti 1998-ci ildə yaradılıb. Repertuarı Azərbaycan və xarici bəstəkarların klassik və çağdaş əsərləri ilə zəngindir.
Simli kvartetin tərkibi Nəzrin Aslanlı (I violin), Xəyalə Abdullayeva (II violin), Vaxtanq İmanov (viola) və Aleksey Miltıx (violonçel) kimi dəyərli ifaçılardan ibarətdir.

İnformasiya dəstəyi - Trend.Az, Day.Az, Milli.Az