Dünya

Satın aldığı təyyarəni bağçasında basdıracaq - FOTO

24 Fevral 2026 23:41

Baxış: 1 067

VTB-də minimal faiz dərəcəsi ilə nağd kredit 9.9%-dən

#MARAQLI #TƏYYARƏ

İngiltərənin Derbişir bölgəsində yaşayan mühəndis və yutuber Deyv Billinqs hər kəsi təəccübləndirən bir layihəyə imza atıb. O, "Facebook Marketplace" üzərindən satın aldığı köhnə sərnişin təyyarəsinin gövdəsini bağçasında torpağın altına basdıraraq onu yeraltı sığınacağa çevirməyi planlaşdırır.

Milli.Az xəbər verir ki, 44 yaşlı mühəndis 1993-cü il istehsalı olan "Boeing 737-500" təyyarəsinin gövdə hissəsini cəmi 4 min funt-sterlinqə (təxminən 8700 AZN) alıb. Bu təyyarə son uçuşunu 2013-cü ildə həyata keçirib.

Billinqs 2021-ci ildən bəri evinin altında əl üsulu ilə tunellər və otaqlardan ibarət geniş bir sistem inşa edir. O, təyyarə gövdəsini bu mövcud yeraltı şəbəkəyə inteqrasiya etmək niyyətindədir.

Mühəndis təyyarənin daxili quruluşunu, xüsusən də mətbəx və ayaqyolu hissəsini qoruyub saxlamaq, plastik üzlüklərin altındakı alüminium karkası isə üzə çıxarmaq istəyir.

Sığınacağa giriş köhnə bir su quyusu və ya evdən uzanan dar tunel vasitəsilə olacaq. Hətta mühəndis yuxarıdan aşağı enmək üçün köhnə telefon köşkü daxilində lift quraşdırmağı da düşünür.

Deyv bu qərara 7 yaşlı oğlunun təyyarələrə olan böyük marağına görə gəldiyini deyir. Həyat yoldaşı isə əvvəlcə bu ideyaya şübhə ilə yanaşsa da, artıq layihənin bir hissəsidir.

Lalə Qüdrətova
Milli.Az