Bunu Trend-ə Azərbaycan Respublikası Kinematoqrafçılar İttifaqının icraçı katibi Cəmil Quliyev dünən "Azadlıq" radiosunda Azərbaycan Respublikası Kinematoqrafçılar İttifaqına qarşı müsahibə vermiş kinoşünas Aygün Aslanlı və kinorejissor Rövşən Almuradlıya cavab olaraq deyib.
"Dünən diqqətlə "Azadlıq" radiosunda Azərbaycan Respublikası Kinematoqrafçılar İttifaqına qarşı irəli sürülən ittihamları dinlədim. Əvvala, çıxışlar məndə təəssüf hissi və təbəssüm oyatdı. Təəssüf hissi oyatdı ki, məni suçlayan dörd il dərs dediyim keçmiş tələbəm Aygün Aslanlı və vaxtilə mənə dost deyən rejissor Rövşən Almuradlıdır. Mən ilk növbədə keçmiş tələbəm Aygün Aslanlıya cavab vermək istəyirəm. Birincisi, Azərbaycan Respublikası Kinematoqrafçılar İttifaqı iki ay bundan qabaq yox, 29 iyun 2012-ci il tarixində dövlət qeydiyyatından keçib. Gördüyünüz kimi, Aygün xanım, yeni təşkilatın yaranmasının bir ayı da hələ tamam olmayıb, oxucularda yanlış fikir yaratmağa çalışmayın", - Quliyev bildirib.
O, qeyd edib ki, 25 gün ərzində Azərbaycan Respublikası Kinematoqrafçılar İttifaqı təşkilati məsələlərlə məşğul olub, öz strukturunu formalaşdırıb və Milli Kino Gününə hazırlıq işləri aparıb.
"Fəaliyyətimiz barədə mətbuatda kifayət qədər məlumat var. Aygün xanım, nə tez siz 25 gün ərzində bizim fəaliyyətsizliyimizi gördünüz, amma 40 il ərzində Azərbaycan Kinematoqrafçılar İttifaqının fəaliyyətsizliyini görmək istəmirsiniz?! Siz körpə olanda mən artıq həmin ittifaqın fəal üzvlərindən biri idim və siz körpə olarkən haradan bildiniz ki, Azərbaycan Kinematoqrafçılar İttifaqında nələr baş verib?! Bu, çox gülməlidir! Siz deyirsiniz ki, yeni yaradılmış Azərbaycan Respublikası Kinematoqrafçılar İttifaqı niyə dövlətdən kömək istəyir? Bəs sizin hazırda hazırladığınız "Fokus" jurnalı dövlət hesabına çıxmırmı?! Siz ADMİU-nu bitirəndən sonra dövlətin nəşr etdiyi "Kino+" qəzetində işləmirdinizmi?! Bəlkə dövlətin hesabına təhsil aldığınızı da unutdunuz?! Nə tez dövlətin sizə etdiklərini unudursunuz?!" - Quliyev deyib.
İcraçı katib rejissor Rövşən Almuradlını isə uzun illər dövlətin ayırdığı vəsait hesabına filmlər çəkib, indi isə dövləti bəyənməməkdə qınayıb.
""Azadlıq" radiosundakı çıxışınızda dostluqdan, əqidədən, mənəviyyatdan çox danışdınız. Lakin çıxışınızın əvvəlində bizi təhqir edib gəmini tərk edən siçovul adlandırdınız. Belə ifadələr söyləmək ziyalıya yaraşmaz! Mənim sizə bir sualım var: Əgər Rüstəm İbrahimbəyovu siz belə yaxşı tanıyırsınız və sevirsinizsə, onda niyə 5 il əvvəl kino məktəbi ilə bağlı "probleminiz" yarananda mənə müraciət etdiniz və mən dostcasına sizə kömək etdim? Niyə bu illər ərzində dəstəklədiyiniz İbrahimbəyov sizi fəxri adlara təqdim etmədi? Siz illər boyu dövlətin ayırdığı vəsait hesabına filmlər çəkib, tamaşalar hazırlamısınız. Amma indi isə dövləti bəyənmirsiniz, onun əleyhinə danışırsınız. Bu gün Azərbaycan Kinematoqrafçılar İttifaqını üzvlər tərk edir və edəcəklər! Bu, belə də olacaqdır. Çünki ittifaq bu insanlara qarşı illər boyu diqqətsiz olub, hətta onların bəzilərini ad günlərində də təbrik etməyib. Bu təşkilatda insanlar doğma və ögeylərə bölünüb, ittifaqın rəhbərliyinə yaxın insanlar üçün bütün imkanlar yaradılıb. Bunu siz yaxşı bilirsiniz", - Quliyev bildirib.
O, deyib ki, bu gün bəzi siyasi qüvvələr Azərbaycan Respublikası Kinematoqrafçılar İttifaqının fəaliyyətini suçlamaq üçün müəyyən insanları ona qarşı səfərbər edib.
"Mən heyfslənirəm ki, bu insanların arasında siz də varsınız. Amma bilin və agah olun ki, mən yeni yaradılmış təşkilatı hər zaman müdafiə edəcəyəm və məni öz mövqeyimdən heç kim döndərə bilməz", - Quliyev vurğulayıb.
Milli.Az
Mədəniyyət
Cəmil Quliyev: "Nə tez dövlətin sizə etdiklərini unudursunuz?!"
27 İyul 2012 13:53
Baxış: 460
DİGƏR XƏBƏRLƏR
- İkinci Bakı Müasir Musiqi Günləri keçiriləcək – FOTO
- “Art Olimpia” müsabiqəsinin qalibləri müəyyən olundu - FOTO
- Filarmoniyanın aprel ayında keçirilən abonement konsertləri - FOTO
- Simfonik rok-hitləri şam işığında. Mystery Ensemble
- AFW ekoloji təmiz modaya dəstək olaraq müsabiqə keçirir
- Q.Qarayev adına Azərbaycan Dövlət Kamera Orkestrinin konserti keçirilib - FOTO
XƏBƏR LENTİ
- Ətin tərkibindəki mikrobların sayını təyin edən sensor hazırlandı
- Putin ilk dəfə müdafiə naziri dəyişikliyindən danışdı: Xərclər çoxalıb...
- Slovakiya Baş nazirinin son vəziyyəti açıqlanıb
- "Krasnodar" Kadidən sonra "Qarabağ"ın daha bir ulduzunu alır
- Kimlər balqabaq tumu yeməməlidir: Bu siyahıda olub-olmadığınızı yoxlayın
- "Mona Liza"nın sirlərindən biri AÇILDI
- Bu çiçəklər gizli duyğulardan xəbər verir - Şəxsiyyət TESTİ
- Azərbaycan Premyer Liqasının son iki turunda əcnəbi hakimlər
- Slovakiyaya yardıma hazırıq - Bayden
- Deputat yeni "möhtəşəm" müsahibə verdi - VİDEO
- Baydenlə Trampın debat tarixi açıqlandı
- Küncüt əzməsinə limon əlavə edin – 10 qat daha faydalı
- Səbuhi Səfiyarlı: “Bizə güzəştə getməsələr də, incikliyimiz yoxdur” - VİDEO
- Kəklikotunun çoxsaylı faydaları
- Məhkəmə İmran Xanla bağlı qərar verdi
- Fitsonun güllələnməsi görünməmiş təhlükədir - Pelleqrini
- İlk görüşdən sonra əlaqəni necə davam etdirmək olar?
- Türkiyəli məşhur aktyor tanınmaz halda - FOTOlar
- Buzlu qəhvəni cəmi 3 dəqiqəyə HAZIRLAMAĞIN YOLU
- Azərbaycanda təcili yardım maşını sosial şəbəkələrdə diqqət çəkdi - VİDEO - FOTO
- Kiçik yataq otağını necə rahat formaya salmaq olar?
- Hakim onu tənqid edən yeniyetmə qıza belə cavab verdi
- Günəşdə güclü partlayış oldu
- Yatarkən belə yağ yandırmaq mümkündür – Necə?