Mədəniyyət

Azərbaycanın kollektivi Qazaxıstanda möhtəşəm qala-konsertdə çıxış etdi – VİDEO - FOTO

13 Aprel 2025 00:07

Baxış: 574

VTB-də yüksək depozit faizleri daha çox qazandırır

Qazaxıstanın Aktau şəhərində "Türk dünyasının mədəniyyət paytaxtı Aktau 2025" ilinin rəsmi açılış mərasimi keçirilib.

Açılış mərasimində rəsmilərin çıxışlarından sonra Türk dünyası incəsənət ustalarının iştirakı ilə möhtəşəm qala-konsert baş tutub.

Tədbirdə ölkəmizi 20-dən çox incəsənət xadimi təmsil etmişdir. Bu sırada M.Maqomayev adına Azərbaycan Dövlət Akademik Filarmoniyasının F.Əmirov adına əməkdar kollektivi Azərbaycan Dövlət Mahnı və Rəqs Ansamblı (baletmeyster, Əməkdar artist Ceyhun Qubadov) Ü.Hacıbəyli "Cəngi", C.Cahangirov "Bulaq başında" və bir çox türk ölkələrinin ortaq ifa etdikləri rəqs ilə çıxış etmişdir.

Həmçinin, kollektivin üzvləri Aktau şəhərində keçirilən "Türk dünyası ritmləri" adlı festivalda da böyük müvəffəqiyyətlə iştirak edərək, Telman Hacıyev "Vətən süitası", "Uzundərə", "Şalaxo", "Yallı" və "Kazak rəqsləri ilə ölkəmizi təmsil etmiş, TÜRKSOY-un baş katibi Sultan Rayev və Aktau şəhər rəhbərliyi tərəfindən bir neçə fəxri fərman və diplom ilə təltif olunmuşdur.