Mədəniyyət

Gəncə Dövlət Filarmoniyasında Aşıq Ələsgərə həsr olunmuş gecə keçirildi - FOTO

4 Mart 2024 15:52
Baxış: 581
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

29 fevral - 2 mart tarixlərində Azərbaycan Respublikası Mədəniyyət Nazirliyi Gəncə - Daşkəsən Regional Mədəniyyət İdarəsi, Fikrət Əmirov adına Gəncə Dövlət Filarmoniyası, Azərbaycan Aşıqlar Birliyinin birgə təşkilatçılığı ilə baş tutan "Musiqi kimliyimiz" layihəsi təntənəli gecə ilə yadda qalıb. 

Layihə çərçivəsində Gəncə və ətraf rayonlarda fəaliyyət göstərən aşıqlar çıxış ediblər. Mart ayının 2-si "Azərbaycan aşıqları" adlı elmi-konfrans keçirilib. Konfransı giriş sözü ilə açan Fikrət Əmirov adına Gəncə Dövlət Filarmoniyasının direktoru, Əməkdar artist Ramil Qasımov qeyd edib ki, konfransın keçirilməsində məqsəd bizim tarixi ənənələrimizi təbliğ etmək, müasir dövrə gəlib çatmış aşıq sənətini bugünkü nəslə çatdırmaqdır.  Həmçinin Əməkdar artist layihə çərçivəsində mütəmadi olaraq müxtəlif aşıqların da gecələrinin keçiriləcəyinin nəzərdə tutulduğunu bildirib. Azərbaycan Aşıqlar Birliyinin sədri, Əməkdar incəsənət xadimi, professor Məhərrəm Qasımlı öz çıxışında  bu layihənin böyük əhəmiyyətindən söhbət açıb.  O, qeyd edib ki, ilk dəfə keçirilən bu layihə aşıq sənəti, aşıq yaradıcılığı üçün böyük töhfədir. Gələcəkdə aşıq sənətinin təbliği üçün mütəmadi olaraq bu cür layihələrin keçirilməsinin arzuedilən olduğunu bildirib. Konfrans iştirakçıları müxtəlif aşıq ifaçılarının həyat və yaradıcılığı ilə bağlı məruzələrlə çıxış ediblər.  

Filarmoniyanın mətbuat xidmətindən verilən məlumata görə günün sonu Gəncə Dövlət Filarmoniyasında  aşıq sənətinin görkəmli nümayəndəsi Aşıq Ələsgərin əziz xatirəsinə həsr olunmuş ədəbi-bədii gecə keçirilib. Gecədə  Aşıq Ələsgərin  nəticəsi Dədə Ələsgər Ocağı İctimai Birliyinin sədri Xətai Ələsgərli layihənin təşkilatçılarına təşəkkürünü bildirib.

Gecədə aşıqların çıxışı tamaşaçılar tərəfindən rəğbət və gurultulu alqışlarla qarşılanıb.

İnformasiya dəstəyi -  Trend.Az, Day.Az, Milli.Az, Azernews.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.