Kriminal

Bakıda adam oğurlayıb işgəncə verən ər-arvad tutuldu - FOTO

11 Sentyabr 2019 12:07
5 Şərh     Baxış: 8 056

Bakı şəhər Baş Polis İdarəsi, Xətai RPİ Cinayət-Axtarış Şöbəsi, Xətai RPİ 36-cı Polis Bölməsi əməkdaşlarının birgə keçirdiyi intensiv uğurlu əməliyyat-axtarış tədbirləri nəticəsində adam oğurluğunda şübhəli bilinən dəstə ifşa olunaraq istintaqa verilib.

Milli.Az xəbər verir ki, Bakı Şəhər Baş Polis İdarəsindən Trend-ə verilən məlumata görə, Xətai rayon sakini H.Əsgərov sentyabrın 9-da paytaxt sakinləri - 1970-ci il təvəllüdlü A.Abbasovaya 25000 manat borcu olduğuna görə, onun sifarişi ilə 1985-ci il təvəllüdlü K.Kazımlı tərəfindən Bakıxanov qəsəbəsində yerləşən kafelərin birinə dəvət edilib. Əvvəllər məhkum olunan, kriminal aləmə meyilli, 1982-ci təvəllüdlü V.Allahverdiyev, Sumqayıt şəhər sakinləri - əvvəllər məhkum olunan 1988-ci il təvəllüdlü Ş.Hüseynov və 1992-ci il təvəllüdlü F.Eminoğlu tərəfindən məcburi qaydada, iradəsindən kənar avtomobilə əyləşdirərək A.Abbasovanın Pirşağı qəsəbəsində yerləşən bağ evinə aparıblar.

Onlar həmin ünvana daha sonra gələn Bakı şəhər sakini, əvvəllər məhkum olunan, 1987-ci il təvəllüdlü N.Kazımlının iştirakı ilə H.Əsgərova müxtəlif dərəcəli bədən xəsarəti yetirərək 25000 manatın əvəzinə 30000 manat ödəməsini bildirərək işgəncə veriblər. Alınan pulun müqabilində A.Abbasova həmin şəxslərə 10000 manat verəcəyini vəd edib.

Keçirilən kompleks əməliyyat-axtarış tədbirləri nəticəsində V.Allahverdiyev, A.Abbasova, F.Eminoğlu, Ş.Hüseynov, N.Kazımlı və onun həyat yoldaşı K.Kazımlı müəyyən olunaraq saxlanılıb, zərərçəkən H.Əsgərovun girov saxlandığı yerdən sağ-salamat azad olunub.

Faktla bağlı Xətai RPİ-nin İstintaq şöbəsində CM-nin 144.2.3, 144.2.4 və 144.2.6-cı maddələri ilə cinayət işi başlanılıb. Cinayət işi üzrə bütün halların araşdırılması, istintaqın tam, obyektiv və hərtərəfli aparılması üçün istintaq hərəkətləri və əməliyyat-axtarış tədbirləri davam etdirilir.

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    Arda · 11 Sentyabr 12:1500

    Think outside the Box.

    Cavab yaz
  • Anonim
    F044 · 11 Sentyabr 12:1700

    Mənə maraqlı gələn qadının geyindiyi köynəyin üzərində olan yazı oldu. Görən Onu içəridə geyindiriblər yoxsa özü bilərəkdən geyinib ?

    Cavab yaz
  • Anonim
    REŞALA · 11 Sentyabr 12:4202

    HEYIF FƏQANDAN CİDO ÜZRƏ TÜRKİYƏDƏ KEÇİRİLƏN BEYNALXALQ TURNİRDƏ QİZİL MEDAL 2009 DA yerevanda KEÇİRİLƏN AVROPA ÇEMPİONATİNDA ( 66 kq) 3-CÜ YERƏ ÇİXMİÇDİ HEÇ İNANA BİLMƏDİM ÖZÜ DƏ MƏŞQİÇİ İŞLƏYİRDİ NECƏ NƏFSİ ONA QALİB GƏLİB???

    Cavab yaz
    • Anonim
      /// · 11 Sentyabr 12:5430

      Nolsun 1 yeri tutub qolunun gucune arxayin olub,talpa yigib kimise doymek yaxsi hereket deyil

      Cavab yaz
  • Anonim
    /// · 11 Sentyabr 12:4420

    Boy buxuna bax elediyi hereketlere baxe

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.