Kriminal

Tanınmış həkimə qarşı 400 minlik mülki iddia - Əmlaklarına həbs qoyulması istənildi

20 İyun 2024 13:36

Baxış: 1 167

#MƏHKƏMƏ #HƏKİM

Tanınmış alim Arif Acaloğlunu avtomobillə vurub öldürməkdə ittiham olunan Kliniki Tibbi Mərkəzin (KTM) Toksikologiya şöbəsinin müdiri Azər Maqsudov məhkəmə qarşısına çıxarılıb.

Milli.Az qafqazinfo-ya istinadən xəbər verir ki, Sabunçu Rayon Məhkəməsində keçirilən iclasda Maqsudovun anket məlumatları dəqiqləşdirilib, ilkin dinləmələr keçirilib.

Prosesdə sərbəst mühakimə edilən təqsirləndirilən şəxs tərəfindən hər hansı vəsatət verilməyib. Müdafiə tərəfi işin məhkəmə baxışına verilməsinə etiraz etməyib.

Mərhum A. Acaloğlunun hüquqi varisini təmsil edən vəkillər isə Maqsudova qarşı 400 min manatlıq mülki iddia qaldırıb, həmçinin qarşı tərəfin əmlaklarına həbs qoyulmasını istəyib.

Hakim Anar Rzayev mülki iddianı icraata qəbul edib. Əmlaklara həbs qoyulması ilə bağlı vəsatət isə rədd edilib.

Baxış iclası iyulun 4-nə təyin edilib.

Xatırladaq ki, hadisə ötən ilin noyabrında baş verib. Qəza Maqsudovun evə gedərkən Sabunçu rayonu ərazisində qeydə alınıb. Onun haqda istintaq dövrü müddətində həbslə bağlı olmayan qətimkan tədbiri seçilib.

Milli.Az
Xəbərlərimizi WhatsApp kanalımızdan da oxuyun