Kriminal

Prokuror stadionları satan məmurlara ağır cəza istədi

27 May 2024 16:12

Baxış: 2 055

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #CİNAYƏT #CƏZA

Bakı Ağır Cinayətlər Məhkəməsində hakim Fərid Namazovun sədrliyi ilə Cinayət Məcəlləsinin 178.4-cü maddəsi ilə təqsirləndirilən Alik Həsənov və Nadir Əliyevin növbəti məhkəmə prosesi keçirilib.

Milli.Az unikal-a istinadən xəbər verir ki, hakim məhkəmə istintaqının yekunlaşması ilə bağlı tərəflərin fikirlərini öyrənib və sonra dövlət ittihamçısı ittiham nitqilə çıxış edib. Alik Həsənovun və Nadir Əliyevin 11 il 6 ay müddətinə azadlıqdan məhrum edilmələrini istəyib. Həbs qoyulmuş əmlakların isə satılaraq zərərçəkmişlərə ödənilməsini istəyib. Həmçinin bildirib ki, mülki iddialar təmin edilsin.

Məhkəmə 3 iyun tarixinə kimi təxirə salıb.

İttihama görə, Nadir Əliyev və Alik Həsənov hündürmərtəbəli binaların tikintisiylə məşğul olan sahibkarlara stadion ərazisinin 5 milyon 500 minə satıldığını deyiblər. Ərazini almaq istəyən sahibkarlardan isə həm beh, həm də Konfederasiya rəhbərliyinə vermək adıyla ümumilikdə 900 min manat pul alıblar.

Bundan başqa, Alik Həsənovun özünün ayrıca da daha bir sahibkarı aldadıb pulunu ələ keçirdiyi iddia edilir.

İstintaq zamanı Alik Həsənovun direktoru olduğu stadionun ərazisini başqa bir sahibkara 8 milyon manata sata biləcəyini deməsi, bunun üçün aidiyyəti vəzifəli şəxslərə rüşvət vermək və müvafiq sənədləşdirmə işləri aparmaq adıyla onun 360 min manat pulunu ələ keçirməsinə də əsaslı şübhələr müəyyənləşdirilib.

Nadir Əliyev və Alik Həsənova qarşı Cinayət Məcəlləsinin 178.4 (xüsusilə külli miqdarda ziyan vurmaqla dələduzluq) və 32.4, 312.1 (rüşvət verməyə təhrik etmə) maddələri ilə ittiham irəli sürülüb.

Cinayət işi üzrə 5 nəfər zərərçəkmiş qismində tanınıb.

Bunlar Rauf İsmayılov, Dadaş Umbatov, Həbib Zülfüqarov, Elçin Rüstəmov və Yusif Vəlixanovdur.

Milli.Az
Xəbərlərimizi WhatsApp kanalımızdan da oxuyun