Kulinariya

Kiftəli badımcan əzməsi

25 İyun 2026 23:20

Baxış: 3 611

VTB-də minimal faiz dərəcəsi ilə nağd kredit 9.9%-dən

#KULİNARİYA

Közlənmiş badımcanın pomidor, sarımsaq və pendirlə qarışığından hazırlanan bu əzmə üzərini bəzəyən kiçik kiftələrlə həm məzə, həm də əsas yemək kimi süfrələrinizə ləzzət qatacaq.

Milli.Az lazım olan ərzaqları təqdim edir:

Kiftə üçün:

250 qr orta yağlı dana qiyməsi

1 xörək qaşığı suxarı

1 çay qaşığı duz

1/2 çay qaşığı qara istiot

1 çay qaşığı toz qırmızı bibər

2-3 budaq incə doğranmış cəfəri

Əzmə üçün:

2 orta boy badımcan

2 pomidor

5-6 diş sarımsaq

4-5 xörək qaşığı zeytun yağı

1 çay qaşığı duz

Yarım stəkan (100 ml) isti su

1 çay qaşığı bibər pastası

Yarım stəkan rəndələnmiş təzə kaşar pendiri

3-4 budaq incə doğranmış cəfəri

Hazırlanması:
Kiftə üçün olan bütün ərzaqları yaxşıca yoğurun və kiçik toplar halında yumrulayın.

Badımcanların qabığını zolaqlı soyun, uzununa bölün və hər birini eninə iki yerə kəsib tavaya düzün. Pomidorları ortadan iki yerə kəsib badımcanların yanına qoyun. Qabığı soyulmuş sarımsaqları aralara səpin. Üzərinə zeytun yağı gəzdirin və duz səpin. Tavanın qapağını bağlayıb badımcanlar yumşalana qədər, təxminən 30 dəqiqə aşağı odda bişirin (əgər pomidorun suyu kifayət etməzsə, kənardan yarım stəkan isti su əlavə edin).

işmiş pomidor və badımcanların qabığını soyub spatula (və ya çəngəl) ilə yaxşıca əzin. Ocağı yenidən aşağı dərəcəyə qoyun, bibər pastasını əlavə edib qarışdırın. Rəndələnmiş pendiri tökün və pendir əriyənə qədər qarışdırıb ocağı söndürün. Hazırladığınız badımcan əzməsini servis boşqabına yayın.

Kiftələri "airfryer"-də və ya tavada qızardıb əzmənin üzərinə düzün. Üzərinə cəfəri səpərək servis edin.

Nuş olsun!

Müəllif: Ülkər Vəliyeva (Milli.Az redaktor)