Kriminal

Ermənilər təslim olanları da öldürürdülər - Şahid

1 Noyabr 2023 12:29

Baxış: 1 445

VTB-də minimal faiz dərəcəsi ilə nağd kredit 9.9%-dən

#CİNAYƏT #ERMƏNİ #SOYQIRIM

Bizim kəndimizin əhalisinə verilən bütün zülümlərin başında dayananlardan biri də Vaqif Xaçatryan olub.

Milli.Az Trend-ə istinadən bildirir ki, bunu qanunsuz erməni silahlı birləşmələrinin tərkibində Xocalı rayonunun Meşəli kəndində soyqırımı törətməkdə təqsirləndirilən Xaçatryan Vaqif Çerkezoviçin cinayət işi üzrə məhkəmənin növbəti iclasında zərərçəkmiş Elşən İbadullayev deyib.

O qeyd edib ki, ermənilər bütün kəndi yandırırdılar.

"Səsgücləndiricilərlə insanlardan təslim olmağı dtələb edirdilər, amma təslim olanları da qətlə yetirirdilər", - deyə o əlavə edib.

Qeyd edək ki, Meşəli soyqırımı ilə bağlı beynəlxalq axtarışda olan Ermənistan vətəndaşı Xaçatryan Vaqif Çerkezoviç bu ilin iyulunda Laçın sərhəd-keçid məntəqəsində saxlanılıb. Onun üzv olduğu cinayətkar dəstə dekabr ayında Xocalı rayonunun Meşəli kəndində 25 nəfər azərbaycanlını öldürüb, 14 nəfərə xəsarət yetirib, 358 nəfər azərbaycanlını isə qanuni yaşadıqları yerdən didərgin salıblar.

Ona qarşı Cinayət Məcəlləsinin 103-cü (Soyqırımı-hər hansı milli, etnik, irqi və ya dini qrupu, bir qrup kimi bütövlükdə və ya qismən məhv etmək məqsədilə qrup üzvlərini öldürmə, qrup üzvlərinin sağlamlığına ağır zərər vurma və ya onların əqli qabiliyyətinə ciddi zərər vurma) və 107-ci (Əhalini deportasiya etmə və ya məcburi köçürmə-əhalini qanuni yerləşdiyi yerlərdən başqa ölkəyə qovma və ya digər məcburi hərəkətlərlə didərgin salma) maddələri ilə ittiham elan olunub, barəsində həbs qətimkan tədbiri seçilib.

Cinayət işi üzrə 59 nəfər zərərçəkmiş qismində tanınıb.

Milli.Az