Ölkə

Aparılan mübarizə də heç bir nəticə vermir - Hər il ehtiyatlarımız bir az da azalır - VİDEO

26 Oktyabr 2021 12:18
0 Şərh     Baxış: 1 322

Bir neçə onilliklər ərzində Azərbaycanda balıq ehtiyatı 80 faizədək azalıb. Təkcə Xəzər dənizində kilkə balığının 60-70 faizi məhv olub. Mütəxəssislərin fikrincə problemin bir neçə səbəbi var. Onlar arasında iqlim dəyişiklikləri və brokonyerlik əsas yer tutur.

Son 30 il ərzində ölkəmizdə balıq ehtiyatları 80%-dək azalıb.

ETSN-nin bioloji resursların tədqiqatı mərkəzinin direktoru Mehman Axundovun sözlərinə görə, burda bir neçə amil rol oynayır. Onlar arasında iqlim dəyişikliləri, eləcə də dəniz suyunun səviyyəsinin azalması böyük rol oynayır. Mehman Axundov bildirib ki, Xəzər dənizindəki balıqların 60 faizini ''kilkə'' təşkil edir. 2001-ci ildə baş vermiş zəlzələ nəticəsində bu balıqların sayı azalmağa başladı və ötən müddət ərzində ''kilkə''nin təxminən 60-70 faizi məhv oldu. 

Balıqçılar İttifaqının sədri Əfqan Əliyev bildirib ki, balıq ehtiyatlarının azalmasında əsas səbəblərindən biri də insan faktoru, yəni brakonyerlikdir. Onun sözlərinə görə ölkəmizdə balıqların 95 faizə yaxını qanunsuz əsaslarla ovlanır. Xüsusilə ov zamanı sintetik torlardan istifadə də onların məhvinə gətirib çıxarır. 

Qeyd edək ki, Ekologiya və Təbii Sərvətlər Nazirliyi, Su nəqliyyatında polis idarəsi və Balıqçılar İttifaqı brokonyerliyə qarşı birgə mübarizə aparır. Ötən il ərzində balıq və subbioresurslarının qanunsuz ovu ilə bağlı 248 akt, 108 ədəd inzibati xəta haqqında protokol tərtib olunub. Ümumilikdə 78 min 430 manat inzibati qaydada cərimə tətbiq olunub. 36 min 532 manat miqdarında isə iddia qaldırılıb.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.