Ölkə

Qənd sexində mənşəyi məlum olmayan maddələr aşkarlandı - YOXLAMA - VİDEO

8 Oktyabr 2021 14:00

0 Şərh Baxış: 1 200

#VİDEO #QİDA TƏHLÜKƏSİZLİYİ

Qida Təhlükəsizliyi Agentliyinin əməkdaşları Gəncə şəhəri, Dədə Qorqud küçəsində yerləşən qənnadı müəssisəsində yoxlama aparıb.

Milli.Az Xəzər TV-yə istinadən bildirir ki, yoxlama zamanı sexdə mənşəyi məlum olmayan maddələr aşkarlanıb.

Ruhiyyə Quliyevaya məxsus sexin antisanitar şəraitdə fəaliyyət göstərdiyi məlum olub. Müəssisədə istehsal prosesində istifadə olunan avadanlıqların təmizlənib dezinfeksiya olunmadığı, istifadə olunan xammalın antisanitar vəziyyətdə saxlanıldığı, dezinfeksiya işlərinin vaxtlı-vaxtında aparılmadığı, işçi heyətin dövri tibbi müayinədən keçirilmədiyi məlum olub.

Ümumilikdə sexdə 500 kq-a yaxın marmelad, 1,5 ton qənd olub. Aşkar edilmiş nöqsanlarla bağlı müəssisənin rəhbərliyi inzibati məsuliyyətə cəlb edilib, sexin fəaliyyəti məhdudlaşdırılıb.

Mövzu ilə bağlı daha ətraflı videomaterialı təqdim edirik:

Milli.Az