Ölkə

Bu həftədən Bakıda tıxaclar azalacaq - Ekspert

4 Oktyabr 2021 19:06
0 Şərh     Baxış: 1 488
VTB-də minimal faiz dərəcəsi ilə nağd kredit 9.9%-dən
#YOL #NƏQLİYYAT

Bu həftədən Bakıda nəqliyyatın sıxlığı müəyyən dərəcədə yumşalacaq.

Milli.Az Trend-ə istinadən bildirir ki, bunu nəqliyyat məsələləri üzrə ekspert, hüquqşünas Ərşad Hüseynov deyib.

Ə.Hüseynov bildirib ki, ötən həftə ərzində müşahidə edilən həddən artıq sıxlıq orta mətktəblərdə və ali təhsil müəssisələrində əyani təhsilin bərpa olunması ilə bağlıldır:

"Dərslər təzə açılanda övladlarla birgə valideynlər, yaxın qohumlar da gəlirlər, küçələrdə avtomobillərin sayı həddən artıq çoxalır və hər hansı bir qəza verəndə isə tıxaclar daha çətin olur".

Ekspert bildirib ki, rayonlardan övladlarını ilk dəfə ali təhsil müəssisəslərinə gətirən valideynlər də az deyildi və həmin valideynlərin də bir çoxu şəxsi avtomobillə gəlirdilər: "Rayondan gələn insanların Bakı yollarını və küçələrini o qədər də yaxşı tanımaması, avtomobilləri Bakı küçələrində bir qədər naşı idarə etmələri də tıxacların yaranmasına səbəb olurdu.

Artıq bu həftədən valideynlər övladları ilə birgə gəlməyəcək, rayondan gələn avtomobillər artıq geri dönürlər. Bu baxımdan bu həftə tıxaclar bir qədər azalacaq, ancaq ümimilikdə tıxaclar həmişəki kimi yenə də davam edəcək".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.