Ölkə

“Yolumuzu kəsdilər, oğlumu maşının pəncərəsindən çıxarıb döydülər” - Açıqlama

29 Sentyabr 2021 11:42

0 Şərh Baxış: 1 684

VTB-də minimal faiz dərəcəsi ilə nağd kredit 10.49%-dən

Biləsuvar rayonu, Muğanlı kəndində yaşayan Allahverdi Rüstəmov özü və iki oğlunun digər kənd sakinləri tərəfindən döyüldüyünü iddia edir.

Milli.Az bildirir ki, "Qafqazinfo"ya müraciət edən A.Rüstəmov hadisənin avqust ayında əkin sahəsinin suvarılması üstündə baş verdiyini deyib. Onun sözlərinə görə, qohumluq əlaqələri olan Abdulla Cəfərov, Xəlil Cəfərov, Ayaz Cəfərov, Aqil Cəfərov, İbrahim Hətəmov və Əlövsət Hətəmov onları kənd ərazisində döyüb, oğlu Elçinin ağır xəsarətlər almasına səbəb olublar: "Bizim onlarla əkin sahələrimiz yanaşıdır. Sahəni suvarmaq üçün texnika çağırmışdım. Amma Abdulla dedi ki, bizdən əvvəl heç kim burada suvarma işi görə bilməz. Onlarla mübahisə etməmək üçün çağırdığım texnikanı geri qaytardım. Amma Əlövsət bizə söyüş söydü. Evə qayıdanda maşınla gəlib yolumuzu kəsdilər. Abdulla bizim maşının açarını çıxardı, işıqları söndürüb dedi ki, "vurun, maşının işıqlarını söndürdüm". Oğlum Elçin Rüstəmovu maşının pəncərəsindən çıxarıb amansızlıqla döydülər".

A.Rüstəmov bildirib ki, hadisədən sonra oğlu ağır travma alıb: "Oğlum əvvəlcə Biləsuvar Xəstəxanasında yatdı, daha sonra Bakıda Mərkəzi Klinik Xəstəxanaya yerləşdirdik. 1 aya yaxın müalicə aldı. Hələ də düzəlməyib, çətinliklə gəzir. Kəllə-beyin travması alıb. Elçini əsas döyənlər Aqil, Əlövsət və Abdulla olub. Oğlum xəstəxanadan evə buraxılandan sonra Ayazgilin qohumları bizə gəlmişdilər. Düşündük ki, barışıq üçün gəliblər. Əksinə bizi təhdid edib getdilər".

Milli.Az