Ölkə

Ətrafı zibilləyən avtobus sürücüsü: “Get öz işinlə məşğul ol” - FOTO

11 Avqust 2021 13:30
1 Şərh     Baxış: 2 430
VTB-də minimal faiz dərəcəsi ilə nağd kredit 10.49%-dən

Azərbaycan Memarlar İttifaqının İdarə Heyətinin üzvü, tanınmış memar Elçin Əliyev Bakıda avtobus sürücüsünün davranışı tənqid edib.

Milli.Az Baku.ws-ə istinadən xəbər verir ki, o, "Facebook" səhifəsində bu barədə yazıb və tənqid etdiyi avtobus sürücüsünün görüntülərini paylaşıb.

Elçin Əliyev bildirib ki, "Xaliq Faiqoğlu" şirkətinə məxsus sərnişin avtobusunun sürücüsü Şəmsi Bədəlbəyli küçəsində sükan arxasında olarkən pəncərədən yerə salfet atıb.

Ətrafı zibillədiyinə görə sürücüyə irad bildirdikdə isə kobud rəftarla qarşılaşıb.

"Əcəb edirəm, istəyirəm zibili yerə atıram. Sənin nə işinə qalıb? Get öz işinlə məşğul ol", - deyə sürücü qışqırıb.

Qeyd edək ki, Bakı küçələrində tez-tez avtobus sürücülərinin belə davranışları ilə qarşılaşırıq. Artıq buna "öyrəşirik" desək yanılmarıq. Hətta iş o yerə çatıb ki, sərnişinlər və digər yol hərəkəti iştirakçıları avtobus sürücülərinin səhvlərini belə deməyə qorxur.

Çünki elə avtobus sürücüləri də tapılır ki, səhvi düzəltmək əvəzinə, irad bildirən şəxsi döyür. Bu da paytaxt nəqliyyatına cavabdeh qurumun belə amillərə göz yummasından irəli gəlir.

Yaxud da, cavabdeh qurumun işinin öhdəsindən layiqincə gələ bilməməsi anlamını ortaya qoyur.

Milli.Az 

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.