Ölkə

Tikdirdiyi evdə yata bilməyən, nişanında iştirak etməyən xüsusi təyinatlı ŞƏHİD - FOTO

17 Dekabr 2020 12:57

Baxış: 5 569

VTB-də minimal faiz dərəcəsi ilə nağd kredit 10.49%-dən

#ŞƏHİD #DAĞLIQ QARABAĞ MÜNAQİŞƏSİ

Qardaşım 1995-ci ildə İmişli rayonunda anadan olub. 2013-2014-cü illərdə Bakı şəhərində hərbi xidmətdə olub. 2015-ci ildə Gizir kurslarını oxuyub, kursu bitirdikdən sonra Qusar rayonunda BTR komandiri kimi hərbi fəaliyyətə başlayıb. 2016-cı il hərbi hissənin tərkibində BTR komandiri kimi döyüş bölgəsində xidmət edib. Döyüş bölgəsindən sonra öz hərbi hissəsinə qayıdaraq Hərbi Komissiyanın şeçimi ilə XTQ-də kurs keçib. Kursu başa vurduqdan sonra yenidən təyinatla onu Cəlilabad rayonuna göndəriblər.

Bunu Milli.Az-a açıqlamasında Xüsusi Təyinatlı Qüvvələrin giziri Nemət Cavadlının bacısı Fatimə xanım deyib.

Şəhid bacısı bildirib ki, Nemətə heç öz nişan mərasimində iştirak etmək nəsib olmayıb:

"2020-ci il sentyabrın 27-də II Qarabağ müharibəsi başlayandan döyüş bölgəsində olub. 35-36 gün müharibədə döyüş yolu keçib. Müharibə zamanı düşmənin 5 tankını, 2 hərbi maşınını, içində canlı qüvvəsi omaq şərtilə, ayrı-ayrı yerlərdə yenə xeyli sayda canlı qüvvəsini məhv edib.

Döyüş yolu Kəlbəcərdən başlayıb, Cəbrayıl, Füzuli istiqamətində bütün ərazilərin işğaldan azad edilməsində iştirak edib. Axırıncı döyüşü Daşaltının alınması uğrunda olub. Şuşanın 3 kilometrliyində oktyabrın 31-i Daşaltı kəndində şəhid olub.

Zəhməti ilə ev tikdirdi özünə, amma bir gecə evində yatmaq qisməti olmadı. Ən böyük arzusu torpaqlarımızı işğaldan azad etmək idi.