Ölkə

Şəmkirdə yaşayan erməni qadın danışdı - VİDEO

24 Oktyabr 2020 14:37
Baxış: 9 421
VTB-də minimal faiz dərəcəsi ilə nağd kredit 9.9%-dən
#MARAQLI

Azərbaycanda yaşayan on minlərlə ermənidən biri, Şəmkir rayon sakini Ofeliya Qriqoryan Türkiyə mətbuatına danışıb.

Milli.Az "Qafqazinfo"ya istinadən bildirir ki, O.Qriqoryan "Haber Global" televiziyasına müsahibəsində bildirib ki, 1973-cü ildə Azərbaycanda anadan olub:

"Anam azərbaycanlı, atam isə İslamı qəbul edən erməni idi. Həyat yoldaşım 2004-cü ildə vəfat edib, iki övladım var. Bu günə kimi heç kim erməni olduğuma görə mənə qarşı aqressiv olmayıb.

Azərbaycanlılarla necə, mənimlə də elə davranırlar. Biz burada bir ailə kimiyik, hamımız birik. Dua edirəm ki, Allah əsgərlərimizi qorusun, inşallah, tezlikdə torpaqlarımız geri qayıdar. Azərbaycan bütün torpaqlarını geri alsın, başqa bir şey istəmirəm. Müharibə bitsin, uşaqlarımız yaxşı yaşasın".

O.Qriqoryan deyib ki, oğlu iki il öncə hərbi xidməti başa vurub: "Yenə çağırılarsa, cəbhəyə könüllü gedər. Mən də razıyam ki, oğlum döyüşə getsin. Mən onunla fəxr edirəm. Ermənilərə də səslənirəm ki, gedib öz torpaqlarında yaşasınlar, Qarabağ Azərbaycanın torpaqlarıdır".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.