Ölkə

Həkimdən Bəhram Bağırzadənin vəziyyəti ilə bağlı AÇIQLAMA

10 İyul 2020 10:18

Baxış: 6 573

VTB-də minimal faiz dərəcəsi ilə nağd kredit 9.9%-dən

#AKTYOR #KORONAVİRUS

Bəhram Bağırzadənin kliniki əlamətləri yaxşıdır.

Milli.Az xəbər verir ki, bunu oxu.az-a açıqlamasında COVID-19-a yoluxmuş Əməkdar artist Bəhram Bağırzadənin müalicə olunduğu Mərkəzi Gömrük Hospitalının Elmi-Təcrübi və Tədris Mərkəzinin rəisi Rəşad Mahmudov deyib.

O bildirib ki, Əməkdar artistin vəziyyətində müsbət dinamika davam edir:

"Bəhram Bağırzadənin reabilitasiya prosesi davam edir. Kliniki göstəriciləri yaxşıdır. Eyni zamanda, əhval-ruhiyyəsi də yüksəkdir".

Xatırladaq ki, Azərbaycanın Əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən iyunun 13-də Mərkəzi Gömrük Hospitalının reanimasiya şöbəsinə köçürülüb. B.Bağırzadə iyulun 2-də komadan ayılıb.

Əməkdar artist B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.

Milli.Az