Ölkə

Övladlarına bu adları qoymaq istədilər - Vulkan, Leysan, Tayfun, Meynə...

4 Mart 2020 16:53
7 Şərh     Baxış: 1 948
VTB-də minimal faiz dərəcəsi ilə nağd kredit 10.49%-dən

Ötən il ərzində Ədliyyə Nazirliyinin qeydiyyat orqanlarına yenidoğulan uşaqlara Satia, Meysən, Vulkan, Leysan, Tayfun, Meynə, Aureleya və digər bu kimi adların qoyulması üçün müraciətlər edilib.

Milli.Az xəbər verir ki, Ədliyyə Nazirliyindən Trend-in sorğusuna cavab olaraq, bildirilib ki, həmin uşaqlara bu adlatrın qoyulması qeydiyyat orqanları tərəfindən tövsiyə edilməyib.

Nazirlikdən qeyd edilib ki, qeydiyyat şöbələrinə yeni doğulan uşaqlara ad qoyulması ilə bağlı müraciət edən vətəndaşlara adətən milli adlara üstünlük verilməsi tövsiyə olunur. Valideynlərə övladlarına gülüş doğuran, çətin tələffüz olunan, uşağın mənafeyinə xələl gətirə biləcək və yaxud cinsinə uyğun gəlməyən ad seçməmələri məsləhət görülür:

"Eyni zamanda, yeni doğulan uşaqlara ad qoyulmasında valideynlərə kömək göstərilməsi məqsədilə Ədliyyə Nazirliyi tərəfindən "Adın mənası" elektron xidməti (http://exidmet.justice.gov.az:8284/VVA/Names) yaradılıb. İnsanlar bu xidmət vasitəsilə Azərbaycan adları, onların mənası və izahı, əhali arasında yayılma səviyyəsi və s. barədə informasiya ala bilərlər".

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.