Ölkə

Azərbaycanda müəllim şagirdi əsəbiləşdirdi, uşağın ağzı əyildi - VİDEO

9 Noyabr 2019 12:49
5 Şərh     Baxış: 2 434

Sosial şəbəkələrdə Sumqayıtdakı İnteqrasiya internat tipli gimnaziyada yeddinci sinif şagirdinin sinif yoldaşları tərəfindən döyülərək, sol gözünün çıxarıldığı barədə məlumat yayılıb.

Bildirilir ki, hadisə zamanı gimnaziyanın 7 a sinif şagirdi Nuriyeva Rəfiqə Elbrus qızının ağız nahiyəsi də əyilib və Sumqayıt Uşaq Xəstəxanasına yerləşdirilib.

Milli.Az xəbər verir ki, APA TV hadisə ilə bağlı araşdırma aparıb. 13 yaşlı Rəfiqə Nuriyeva bildirib ki, hadisə birinci saat tarix dərsində baş verib:

"Sinif yoldaşım zarafatlaşmaq üçün hamıya vuranda mənim də qolumdan vurmuşdu. Mən əsəbiləşib gedib vurmaq istəyəndə müəllimimiz həmin an müəllimlər otağından çıxıb dərsə gedirdi. Onda müəllim gördü ki, mən başqa bir uşağın arxasınca qaçıram. Mənə "utanmırsan, bir oğlanın dalınca qaçırsan" dedi. Mən də əsəbiləşdim, onda ağzım əyilməyə başladı".

Gimnaziyanın direktoru Ayət Kərimova hadisənin noyabrın 5-də olduğunu bildirib və hər hansı bir döyülmə hadisənin olmadığını qeyd edib.

Şagirdin atası Elbrus Nuriyev isə uşağı məktəbə qoyduqdan bir saat sonra məktəbdən ona zəng olunduğunu söyləyib:

"Bir saatdan sonra mənə zəng gəldi ki, bəs qorxmayın, uşağınızın sifətində əyilmə var, tez gəlin. Xəstəxanada uşağın ağır olduğunu söylədilər. Və sonra yerləşdirdilər xəstəxanaya".

Sumqayıt Uşaq Xəstəxanasından isə bildirilib ki, Rəfiqə Nuriyevada gözlə görünəcək hər hansı xəsarət müşahidə olunmayıb:

"5 noyabr 2019-cu il tarixdə uşaq xəstəxanaya üz sinirinin nevriti diaqnozu ilə daxil olub. Və hazırda da müalicə almağa davam edir. Yəni daxil olanda üz sinirinin nevriti diaqnozu qoyulub və bizdə o diaqnoz da təsdiqlənib. Hazırda da bütün nevroloji müayinələr aparılır. Xəstənin vəziyyəti stabildir. Hər hansı ağırlaşma da yoxdur".

Hadisə ilə bağlı hüquq-mühafizə orqanları tərəfindən araşdırma aparılır.

Milli.Az

loading...

Şərh yaz:

5 Şərh:

  • Anonim
    Emil · 9 Noyabr 12:56202

    Müəllimin uşağa dediyi sözdü bu? ,hec abir qalmayib hec birinde

    Cavab yaz
  • Anonim
    tg · 9 Noyabr 13:00131

    ayib olsun usaga o ne sozdu deyir

    Cavab yaz
    • Anonim
      Nadir · 10 Noyabr 00:0121

      Müəllim nə deməli idi?afərin ,daha sürətli qaç?qız ,qadın təmkinli olar.

      Cavab yaz
  • Anonim
    9 · 9 Noyabr 13:31112

    Bu onu bidirir ki, ekser muellimelerin ne pedaqogikasi var ne de normal ushaq psixologiyasini basha dusecek bilikleri. Gorunur bu istiqametde de attestasiya lazimdir.

    Cavab yaz
    • Anonim
      KMV · 9 Noyabr 14:4143

      Belke indiki usaqlar cox hikkeli havalidir deyek? Hec valideyn gele bilmir ohdesinden onda qalmis muwllim olsun.Gelin etiraf edek mki muellimlerin isi cox cetinde here bir evden gelib,terbiyelisi de var terbiyesizide.Biz cezalanmisiqda doyulmusukde hec gelib evde de dememisikqorxudan,cunki indiki valideynler kimi bize tapsirmirdilar muellim sene barmagin vursa de mutleq gor ne oyun aciriq basina.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.