Ölkə

Şəmkirdə su çəninə, sonra ağaca çırpılan avtomobildə ölən Aqrar Universitetinin tələbəsi imiş

17 İyul 2019 14:57

0 Şərh Baxış: 700

#TƏLƏBƏ #BƏDBƏXT HADİSƏ

Şəmkir rayonunda baş verən ağır yol qəzası nəticəsində ölən şəxs - Şəmkir rayonu Çaparlı kənd sakini Hüseynov Kazım Vəfadar oğlunun Azərbaycan Dövlət Aqrar Universitetinin Aqrobiznes və idarəetmə fakültəsinin "Biznesin idarə edilməsi " ixtisası üzrə IV kurs tələbəsi olduğu məlum olub.

Milli.Az Trend-ə istinadən bildirir ki, hadisə rayonun Çaparlı kəndində baş verib. Kənd sakini, 1998-ci il təvəllüdlü Sadıqov Rəşad Zakir oğlu həmyerlisi Vəfadar Hüseynova məxsus "VAZ 21074" markalı в-391-са-86 Rusiya dövlət nömrə nişanlı avtomobillə idarəetməni itirərək yolun kənarındakı su çəninə, sonra isə ağaca çırpılıb.

Hadisə nəticəsində avtomobildə olan sərnişin, 1998-ci il təvəlüdlü Hüseynov Kazım Vəfadar oğlu ağır xəsarətlərlə xəstəxanaya çatdırılsa da, orada ölüb. Hadisə nəticəsində sürücü və sərnişini Mərdanov Fərid Arzu oğlu müxtəlif dərəcəli xəsarətlərlə xəstəxanaya yerləşdirilib.

Milli.Az