Ölkə

"Qadın düşünür ki, etsəm alçalmış oluram" - Ailələrdə intim problemlər - Psixoloq rəyi

15 İyul 2019 20:49
12 Şərh     Baxış: 14 456

Türkiyəli mütəxəssislərin araşdırması nəticəsində məlum olub ki, Avropada qadınların cəmi 3-5 faizi ərlərindən narazı qalırlar. Türkiyədə qadınların 69 faizi, Azərbaycanda isə 79 faizi ərləri ilə seksdən narazıdırlar. Bu problem çox vaxt xəyanətlərə və boşanmalara səbəb olur. Niyə cəmiyyətimizdə kişi və qadınlar cinsi istəklərini bir-birləri ilə paylaşmırlar? 

Milli.Az bildirir ki, Metbuat.az məsələ ilə bağlı psixoloq Gülnar Orucovanın fikirlərini öyrənib.

"Bəzi psixoloqlar bu barədə danışmağa çəkinirlər. Çünki fikirlərinin insanlar tərəfindən yanlış anlaşılmasından qorxurlar. Bu gün Azərbaycanda elə şeylər var ki, ört-basdır edirlər üstünü. Halbuki, bunlar qabardılsa, hardasa kişi qadın münasibətlərinə aydınlıq gətiriləcək və bunun nəticəsində insanlar yanlış qərar verməyəcəklər və boşanmalar, xəyanətlər azalacaq. Bizim mentalitetimiz ailədə bəzi məsələləri açıq-aşkar müzakirə etməyə yol vermir. Kişilər bəzən düşünür ki, mən öz xanımıma bunu açıq şəkildə deyə bilmərəm. Ona görə də hər hansı bir istəklərini, cinsi təlabatlarını paylaşmırlar, o fikirləri bir-birinə demirlər. Buna görə də, kişi başlayır başqa qadın axtarmağa. O xanımla ikinci bir həyat yaşayırlar. Əslində kişi bir qadınla həm sevgi, həm cinsi təlabatlarını ödəyə bilirsə, ikinci qadına gərək qalmayacaq".

Psixoloq həmçinin deyib ki, qadınlar bəzi cinsi təlabatları ödəməyin alçalmaq olduğunu düşünürlər ki, bu da problemlər yaradır:

"Bu gün bəzi xanımlar da düşünürlər ki, "bu cinsi təlabatını ödəsəm alçalmış olaram", "yoldaşım məni nə hesab edir ki belə təklif edir?". Bu fikirlərlə onlar kişiləri özlərindən uzaqlaşdırırlar. Bəzən görürük ki, kişi və qadın eyni şeyi istəyirlər. Lakin bunu bir-birləri ilə paylaşmırlar. Bəzən qadınlar özləri də təlabatları ödənmədikdə başqasını axtarırlar. Niyə axtarır? Çünki onu həyat yoldaşına deyə bilmir. Biz öz həyat yoldaşımızla dost ola bilmirik. Dost ola bilmiriksə, xəyanətlərin sayı da artacaq, soyuq münasibətlər də davam edəcək".

Gülnar Orucova vurğulayıb ki, ailədə kişi və qadın arasındakı münasibəti qoruyub saxlayan əsas şərt ehtiras hissidir:

"Münasibətə istilik qatan uşaqlarımız olsa da, digər tərəfdən bizim öz təlabatlarımızın ödənilməsi bu münasibəti daha uzunmüddətli edir. Münasibətlərin əsasında ehtiras dayanır. Sevgi zaman-zaman şəklini dəyişir. Deməzdim ölür, yox, şəklini dəyişir. Ehtiras elə bir duyğudur ki, kişi ilə qadını bir-birinə bağlayır. Kişi öz xanımına "arvadı" kimi baxmamalıdır. Evini təmizləyən, qabını yuyan şəxs kimi baxmamalıdır. Onunla sevgisini, hisslərini paylaşmalıdır".

Milli.Az 

loading...

Şərh yaz:

12 Şərh:

  • Anonim
    asi · 15 İyul 21:16247

    Nə əmmadırsa, evdə ərindən, arvadından psixoloqun fikri ilə desəm, utanan kişi və arvad xəyanət üçün kənarda adam axtarmağa utanmır..Indi bu vəziyyətin harası ər-arvad münasibətlərində utanmaq oldu?? Sən otur evdə ərinin hər hansı istəyini alçaqlıq kimi qəbul elə, amma yad kişi ilə ərə xəyanət etmək alçaqlıq yox, sənin istəyinin qarşılanmaması kimi başa düşülsün..Eyni ilə də kişilərdə..Absurt deyilmi???...

    Cavab yaz
    • Anonim
      Afərin qıza! · 15 İyul 21:5964

      Siz haqlısız)

      Cavab yaz
      • Anonim
        asi · 15 İyul 22:27147

        Psixoloq istədi xəyanətə yeni don biçsin, amma saytın oxumamış yuristini nəzərə almağı unudub))..

        Cavab yaz
    • Anonim
      Rena · 17 İyul 13:4600

      Bu ayri ayri deyirde.Kişi soyuqdusa,qadini.Qadin soyuqdusa kişini deyir.butun aileleri demir ki

      Cavab yaz
  • Anonim
    Liliya · 15 İyul 22:27112

    Basa dusmedim beyem yoldas yad insandir ki onla hisler paylasilmasin.Sevdiyin kisi heyat yoldasinla her seyini paylasmalisan.kiside hemcinin...Sen bir ruhsan onla tenlewirsen beraberlesirsen butunlesirsen...Sevgini tamliqla vermelisen ki qarsiliqin goresen....

    Cavab yaz
    • Anonim
      asi · 15 İyul 23:1176

      Sizin yazdığınız kimi hər şeyi tamlıqla paylaşıb yaşasan maraqsız olar)..Insan yeiliyə meyilli məxluqdu..Ona görə də qarşı tərəfin kəşf edə bilməsi üçün nələrsə gizli qalmalıdı, öz zamanına qədər..

      Cavab yaz
  • Anonim
    Esra Ibrahimli(Samaxi) · 15 İyul 23:3469

    İçin-çalatin oxumadim amma psixoloklar özleri psix olurlar basdan bir az o sözz..Serhcilerin rəyidə bele demeyime esas verdi.

    Cavab yaz
  • Anonim
    Vətənsevər · 16 İyul 09:0682

    Azərbaycanda qadınların 79%-i ərləri ilə cinsi əlaqədən narazıdırlar? Mənə çox maraqlıdı bu statistikanı kim və necə tərtib eləyib? Btün ailələrin tək-tək qapısını döyüb qadınlardan soruşublar? Yox. Psixoloqa müraciət eləyən ailələrin problemlərindən hesablanmış statistikadı. Bu nə dərəcədə rəsmidi? Eyni zamanda bir ailə psixoloqa müraciət eləyirsə, onsuzda narazıdı ailə həyatından. Cəmiyyətə bu xəbər düzgün propaqanda eləmir. Allah hər bir ailəni xoşbəxt eləsin!!! Mən şikəst olub xoşbəxt olan ailələr tanıyıram....Nəysə.....

    Cavab yaz
  • Anonim
    Hara · 16 İyul 09:3360

    Senin bu dediyin 79% 20 il bundan qabaq 3-5 faiz idi, camaatın başı qarışmışdı öz ailesine işine gücüne, indi ise camaatda biraz imkan yaranıb kişilerde pul olan kimi ikinci qadın ortaya girir, qadınlarda evde bekar oturub face ins wats ve sair saytlarla ve türk seriallarıyla özlerine marağlı heyat qurmağa çalışır. Xeyanet eden qadınların 100 faize yaxını evinde her şeraiti olan qadınlardıki bekarçılıqdan edir. Kişilerdede 100% e yaxını imkanı olan kişilerdi. Yeni bunlar ölkemizde düzgün maariflenmenin olmasından gelib qudurğanlığa çıxarır.

    Cavab yaz
  • Anonim
    Oxucu · 16 İyul 16:3011

    Psixoloqun dedikləri doğrudur, bizim ölkəmizdə eynilə belədir. Amma sözsüz ki kişilərin əksəriyyətinin xəyanətinin səbəbi nəfsin və pulun çoxluğundadır. İkicə şey lazımdır, nəfsinə güc gəl və həyat yoldaşınla hər şeyi danış həll et. Qarşılıqlı razılıq yoxdursa boşanın. İntim həyat kişi-qadın münasibətlərinin özəyidir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.