Ölkə

Oqtay Əsədov: "Aparıcı təşkilatlar Azərbaycanda aparılan sosial islahatları yüksək qiymətləndirir"

15 Mart 2019 12:31
Baxış: 405

2018-ci il ölkəmizin sosial siyasət həyatında ciddi il olub. Ölkə başçısnın Nazirlər Kabinetinin ötən ilin yekunları ilə bağlı iclasında söylədiyi kimi, 2018-ci il Azərbaycanda dərin islahatlar ili oldu.

Milli.Az Trend-ə istinadən xəbər verir ki, bunu Milli məclisin spikeri Oqtay Əsədov parlamentin bu gün keçirilən plenar iclasında deyib.

Spiker bildirib ki, bu islahatların nəticələri göz qarşısındadır: "Görülən işlər nəticəsində iqtisadiyyatımızın dayanıqlı inkişafı təmin edilib. Cari ilin əvvəlində minimum əməkhaqqı, təqaüd və pensiyaların artırılması, eləcə də sosial məsələlərin həlli həyata keçirilən siyasətin nəticəsidir. Aparıcı təşkilatlar bu islahatları yüksək qiymətləndirir. Dünya Bankının hesabatında ölkəmiz əvvəlki illərlə müqayisədə 22 pillə irəliləyib. Digər hesabatlarda da Azərbaycanın mövqeyi əhəmiyyətli dərəcədə yaxşılaşıb. Aqrar sahəyə diqqət daha da artırılıb. Valyuta ehtiyatları ötən il 45 milyarda çatıb".

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.