Ölkə

Üçüncü Buktreyler Festivalı: iştirak üçün nə etməli?

2 Aprel 2018 18:24
Baxış: 382

Kinoaktyor Ruslan Sabirlinin təşəbbüsü əsasında Mədəniyyət və Turizm Nazirliyi, Beynəlxalq Muğam Mərkəzi, Azercell və Libraff şirkətlərinin dəstəyi ilə keçirilən "Kitabı tanıdın, kitabla tanının" sloqanlı Buktreyler Festivalının məqsədi kitab və mütaliənin cəmiyyətimizdə təbliği, mütaliəyə münasibətin yaradıcı formaların inkişafı və dəstəklənməsi, kino sahəsində istedadlı və yaradıcı gənclərin üzə çıxarılması, yerli gənc yazarlara dəstək olunması, buktreylerlərin incəsənət və biznesdə bir istiqamət kimi inkişafıdır.

Festivalda iştirak etmək üçün lazım olan aşağıdakı 8 addımı nəzərinizə çatdırırıq:

1. ONLINE QEYDİYYATDAN KEÇİN

Festivalın www.booktrailer.az saytına daxil olub, ilk səhifədə Qeydiyyat keçidinə daxil olmaqla iştirakçı kimi qeydiyyatdan keçin.

2. SEVDİYİNİZ KİTABI SEÇİN

İstədiyiniz azərbaycanlı yazıçının kitabını seçdikdən sonra buktreyleri hansı media formada çəkəcəyinizi qərarlaşdırın: - oyun (aktyorların iştirakı ilə); - qeyri-oyun (aktyorların iştirakı olmadan); - animasiya və ya qrafika (çizgi filmi).

3. BUKTREYLERİN SSENARSİNİ YAZIN

Bunun üçün kİtabın ən maraqlı anlarını seçİn. Unutmayın ki, buktreylerinizin maraqlı və baxımlı olması məhz ssenaridən asılıdır.

4. BUKTREYLERİ HAZIRLADIĞINIZ SSENARİ ƏSASINDA ÇƏKİN

Çəkiliş zamanı istənilən texnikadan, hətta kamerasının minimal ölçüsü 1080p Full HD (1920x1080) olan

smartfonlardan da istifadə edə bilərsiniz.

5. ÇƏKDİYİNİZ MATERİALI MONTAJ EDİN

Montaj zamanı saytımızda buktreylerlərə qoyulmuş tələblərlə diqqətlə tanış olun və riayət edin. Xronometraj: max. 3 dəq.

6. MONTAJ ETDİYİNİZ MATERİALIN SƏS VƏ MUSİQİ TƏRTİBATINI İŞLƏYİN

Musiqi seçimində diqqətli olun, bəzi musiqilərdən istifadə etdikdə müəllif hüquqları pozulması  səbəbindən

buktreyler sosial şəbəkələrdə yerləşdirilə bilmir.

7. BUKTREYLERİNİZİ FESTİVALA GÖNDƏRİN

Buktreylerinizi www.wetransfer.com saytı üzərİndən 8 aprel 2018-ci il tarixədək festival2018@booktrailer.az ünvanına göndərİn.

8. BUKTREYLERİNİZİ QEYDİYYATDAN KEÇİRİN VƏ QALİB OLMAQ ŞANSINI ƏLDƏ EDİN

Saytımızda qeyd olunmuş "Buktreylerin Qeydiyyatı" linkinə keçid etməklə oradakı məlumatları doldurun.

İştirak şərtlərinə uyğun gəlməyən və tələblərə cavab verməyən Buktreylerlər Festivalda iştiraka buraxılmır.

Qeyd etmək istərdik ki, 1-ci, 2-ci (2 nəfər) və 3-cü (3 nəfər) yer qaliblərini uyğun olaraq 1000, 800 (hər biri) və 500 (hər biri) AZN olmaqla pul mükafatları gözləyir.

Son müraciət tarixi: 8 Aprel, 2018

İştirak şərtləri ilə Festivalın www.booktrailer.az saytında, həmçinin www.facebook.com/Booktrailer.Az facebook səhifəsində yaxından tanış olmaq və daha ətraflı məlumatı almaq olar. 

Bütün suallarla bağlı festival2018@booktrailer.az müraciət etmək mümkündür.

İnformasiya dəstəyi -  Trend.az, Day.az, Milli.az, Azernews.az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.