İdman

Messidən tarixi het-trik: Dünya çempionatlarında qol sayına görə Klozeyə çatdı

17 İyun 2026 10:07

Baxış: 1 348

VTB-də minimal faiz dərəcəsi ilə nağd kredit 9.9%-dən

#LİONEL MESSİ #ARGENTİNA #FUTBOL #FİFA

DÇ-2026-nın qrup mərhələsində Argentina millisinin lideri Lionel Messi növbəti rekorduna imza atıb.

Milli.Az xəbər verir ki, Əlcəzair yığmasına qarşı keçirilən qarşılaşmada het-trik edən argentinalı futbolçu dünya çempionatları tarixinin ən məhsuldar bombardirləri sırasında almaniyalı Miroslav Klozenin göstəricisinə çatıb.

Messi görüşdə 17-ci, 60-cı və 76-cı dəqiqələrdə rəqib qapısına yol taparaq komandasının qələbəsində əsas pay sahibi olub. Bu qollardan sonra onun dünya çempionatlarındakı ümumi qol sayı 16-ya yüksəlib.

Beləliklə, Argentina millisinin kapitanı mundial tarixinin ən çox qol vuran futbolçuları siyahısında Miroslav Klozeyə şərik olub.

Qeyd edək ki, Lionel Messi hazırda ABŞ-nin "İnter Mayami" klubunun formasını geyinir. O, Argentina yığması ilə 2022-ci ildə dünya çempionu olub, 2014-cü ildə isə mundialın gümüş medalını qazanıb. Səkkiz dəfə "Qızıl top" mükafatına layiq görülən ulduz futbolçu bu göstərici üzrə də rekord sahibidir.

Müəllif: Tural Hüseyn (Milli.Az redaktor)