Dünya

"TikTok"dakı ölümcül trend 15 yaşlı qızın həyatına son qoydu - (Foto)

17 İyun 2026 12:45

Baxış: 544

VTB-də minimal faiz dərəcəsi ilə nağd kredit 9.9%-dən

#HADİSƏ #TİKTOK

Sosial media platformalarında daha çox baxış əldə etmək üçün edilən təhlükəli çağırışlar daha bir gənc qızın həyatına son qoyub.

Milli.Az xəbər verir ki, ABŞ-da yaşayan 15 yaşlı Leah Presson "TikTok"da sürətlə yayılan və ölümcül nəticələrə yol açan "allergiya dərmanlarının həddindən artıq dozası" trendinin qurbanı olub.

Məlumata əsasən, sosial mediada populyarlıq qazanmaq istəyən gənc qız yüksək dozada allergiya həbləri qəbul etdikdən sonra öz yataq otağında huşsuz vəziyyətdə tapılıb. Qızının qıcolma (tutma) keçirdiyini görən ailəsi əvvəlcə bunun onun keçmiş sağlamlıq problemləri ilə bağlı olduğunu düşünsə də, xəstəxanada aparılan tibbi müayinələr acı həqiqəti üzə çıxarıb. Leanın sosial mediadakı qorxunc bir trendə qoşulduğu məlum olub.

Günlərlə reanimasiya şöbəsində həyatı uğrunda mübarizə aparan gənc qızın həkimlərin bütün səylərinə baxmayaraq, beyin ölümü reallaşıb və o, dünyasını dəyişib.

Müəllif: Nərmin Mahmudova (Milli.Az müxbir)