Kulinariya

Çox ləzzətli məzə resepti

9 Avqust 2026 04:04

Baxış: 230

VTB-də minimal faiz dərəcəsi ilə nağd kredit 9.9%-dən

#KULİNARİYA

Pomidor, bibər və soğanın sobada bişib yumşalması ilə yaranan ətirli tərəvəz qarışığı süzmə qatıq və sarımsaqla mükəmməl uyğunlaşır. Üstünə bir az zeytun yağı və ədviyyat səpərək bu məzəni qızardılmış çörək və ya pide ilə süfrəyə verə bilərsiniz. Əvvəlcədən hazırlayıb saxlamaq mümkün olduğu üçün xüsusilə qonaqlıqlarda işinizi çox asanlaşdıracaq.

Milli.Az resepti təqdim edir:
Tərkibi:

Tərəvəzlər üçün:

3 ədəd kiçik qırmızı bibər

3 ədəd kiçik yaşıl bibər

2 ədəd orta pomidor

1 ədəd orta quru soğan

3 diş sarımsaq

3 xörək qaşığı zeytun yağı

1 çay qaşığı kəklikotu

Yarım çay qaşığı qırmızı toz bibər

Yarım çay qaşığı qara bibər

1 çay qaşığı duz

Qatıqlı qarışıq üçün:

6 xörək qaşığı süzmə qatıq

2 diş sarımsaq

1 dəstə şüyüd

1 dəstə cəfəri

Yarım çay qaşığı duz

Hazırlanma qaydası:
Qırmızı və yaşıl bibərləri iri şəkildə doğrayın. Pomidor və soğanı da eyni ölçüdə doğrayıb sarımsaqlarla birlikdə sobaya davamlı bir qaba yığın.

Üstünə zeytun yağı, duz, qara bibər, qırmızı toz bibər və kəklikotu əlavə edib yaxşıca qarışdırın.

Əvvəlcədən 200 dərəcəyə qızdırılmış sobada tərəvəzlər yumşalıb üzəri yüngülcə qızaranadək (təxminən 25-30 dəqiqə) bişirin. Sobadan çıxarıb bir az soyumağa qoyun.

Başqa bir qabda süzmə qatığı əzilmiş sarımsaq, incə doğranmış şüyüd, cəfəri və duzla qarışdırın.

İlıq tərəvəzləri bir az da kiçik hissələrə bölüb servis qabına yığın. Üstünə hazırladığınız sarımsaqlı qatığı çəkin.

İstəsəniz, son olaraq üzərinə bir az zeytun yağı gəzdirib qırmızı bibər və göyərtilərlə bəzəyə bilərsiniz. Nuş olsun!

Müəllif: Ülkər Vəliyeva (Milli.Az redaktor)