"Ziraat Bank Azərbaycan" 2026-cı ilin ikinci rübündə də dayanıqlı artım tempini qoruyub

"Ziraat Bank Azərbaycan" 2026-cı ilin ikinci rübünə dair maliyyə nəticələri ilə dayanıqlı inkişaf strategiyasını uğurla davam etdirdiyini bir daha göstərib.

Milli.Az  xəbər verir ki, bankın əsas maliyyə göstəriciləri üzrə qeydə alınan artım müştəri etimadının, effektiv idarəetmənin və davamlı inkişaf strategiyasının uğurlu nəticəsi kimi qiymətləndirilir.

2025-ci ilin ikinci rübü ilə müqayisədə Bankın kredit portfeli 33% artaraq 832 milyon manata çatıb. Kredit portfelinin əsas hissəsini təşkil edən biznes kreditləri isə 28% artaraq 735 milyon manata yüksəlib. Bu göstəricilər Ziraat Bank Azərbaycanın real sektorun maliyyələşdirilməsində mühüm rol oynamağa davam etdiyini göstərir.

Depozit portfeli üzrə də əhəmiyyətli artım qeydə alınıb. Belə ki, ümumi depozit portfeli 50% artaraq 1 milyard 266 milyon manata çatıb. Xüsusilə hüquqi şəxslərin müddətli depozitləri 95 artaraq müştərilərin Banka olan etimadının daha da möhkəmləndiyini nümayiş etdirib.

Bankın gəlirlilik göstəriciləri də müsbət dinamikanı davam etdirib. Xalis əməliyyat mənfəəti 34% artaraq 21 milyon manata, xalis faiz gəliri 38% artaraq 26 milyon manata, xalis mənfəət isə 14% artaraq 11,6 milyon manata yüksəlib.

Eyni zamanda, "Ziraat Bank Azərbaycan"ın cəmi aktivləri 46% artaraq 1 milyard 560 milyon manata, cəmi kapitalı isə 20% artaraq 174 milyon manata çatıb. Bu nəticələr Bankın maliyyə dayanıqlığını daha da gücləndirdiyini və davamlı inkişafını uğurla davam etdirdiyini təsdiqləyir.

"Ziraat Bank Azərbaycan" gələcək dövrdə də müasir bankçılıq həlləri, innovativ məhsullar və müştəriyönümlü xidmət yanaşması ilə ölkə iqtisadiyyatının inkişafına töhfə verməyi və müştəriləri üçün etibarlı maliyyə tərəfdaşı olmağı hədəfləyir.

"Ziraat Bank Azərbaycan" ASC, 162 illik tarixə malik Türkiyə Respublikasının "Ziraat Maliyyə Qrupu"-nun üzvüdür. Bank, Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Korporativ və pərakəndə bankçılıq sahəsində müasir məhsul və xidmətləri Bakı, Gəncə, Sumqayıt və Naxçıvan şəhərlərində yerləşən 11 filialı və Quba şəhərində yerləşən 1 şöbəsi ilə yanaşı, rəqəmsal platformalar üzərindən də müştərilərə xidmət göstərir.

Bankın məhsul və xidmətləri barədə daha ətraflı məlumatı Bankın Instagram, X-platforması, Linkedin, YouTube sosial media hesablarından və ya *9229 qısa nömrəsinə zəng edərək əldə edə bilərsiniz.

Müəllif: Malik Məlikov (Milli.Az redaktor)