Ölkə

“8-ci km" bazarında bayramqabağı QİYMƏTLƏR: Qoz ləpəsi 18, fındıq 24 manat - FOTO

4 Mart 2026 12:05

Baxış: 2 121

VTB-də minimal faiz dərəcəsi ilə nağd kredit 9.9%-dən

#RAMAZAN #BAZAR #BAYRAM

Qarşıdan Ramzan və Novruz bayramı gəlir. Bayram ərəfəsində bazarlarda müşahidə olunan qiymətlər diqqət çəkir.

Bununla bağlı Milli.Az-ın əməkdaşı Bakının ən məşhur bazarlarından olan "8-ci km" bazarında olub, qiymətlərlə maraqlanıb.

Bazarda mal əti 17.50 manat, quzu əti 21.50 manat, qoyun əti isə 14-15 manat arasında təklif olunur. Toyuq broyler 4.50 manat, kəsilmiş halda 6-7 manatdır. Kənd toyuğu isə çəkisindən asılı olaraq 8, 10 və 12 manata satılır.

Banan 3.50 manat, alma 2 manat, armud 2.50 manatdır. Göyərtinin bir dəstəsi 0.20 manata təklif olunur.

Kartofun İran sortu 1.50 manatdır. Gədəbəy kartofu isə 1.60-1.80 manat arasında dəyişir.

Çərəz məhsullarına gəlincə, qozun ləpəsi 15-18 manat, fındıq ləpəsi 22-24 manatdır. Qabıqlı qoz 8 manat, qabıqlı fındıq 10 manatdır. Şabalıd 12 manat, Qəbələ şabalıdı isə 14 manatdır.