Ölkə

Bakıda insanlar təşviş içində - küçəni bürüyən bu canlılar nədir? - VİDEO

5 İyul 2025 23:23

Baxış: 5 570

VTB-də minimal faiz dərəcəsi ilə nağd kredit 10.49%-dən

#VİDEO #BAKI

Bakının Binəqədi rayonu, Abay Kunanbayev küçəsində yaşayan sakinlər ağaclardakı qurdlardan şikayətçidirlər.

Milli.Az Xəzər TV-yə istinadən bildirir ki, ağaclardan tökülən qurdlar sakinləri bezdirib.

"Bu həyətdə çoxlu ağaclar var. Özümüz abadlaşdırdıq, ağac əkdik, suladıq ki, kölgəsində dincələk. Amma qurdlar bizə imkan vermir", - deyə sakinlər şikayətlənir.

Ərazidəki hər iki binanın problemi bununla da bitmir, zirzəmilər tullantı suları ilə də dolub.

Hər iki məsələ ilə bağlı aidiyyəti qurumlara sorğu ünvanladıq.

Bakı Şəhər İcra Hakimiyyətinin Yaşıllaşdırma Təsərrüfatı Birliyindən "Xəzər Xəbər"ə bildirdilər ki, qurdlar, eləcə də həşəratlarla bağlı məsələ nəzarətdədir və növbəli şəkildə sözügedən ərazilər dezinfeksiya ediləcək.

İri Şəhərlərin Birləşmiş Su Təchizatı Xidmətindən isə qeyd etdilər ki, həmin ünvanda su axıntısı bir neçə dəfə qeydə alınıb, hər dəfə də Sukanal idarəsinin əməkdaşları problemi yerindəcə həll edib. İstismar müddətini bitirən boruların bir hissəsi yueniləri ilə əvəz olunub, işlər mərhələli şəkildə görülür.

Daha ətraflı videomaterialı təqdim edirik.

Milli.Az