Ölkə

Bu tarixə diqqət - Dünyada bir ilk yaşanacaq

2 İyul 2025 14:35

Baxış: 6 478

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #CƏMİYYƏT

Dünya getdikcə daha sürətli fırlanır və bu yay ən qısa günü yaşaya bilərik.

Milli.Az xəbər verir ki, 9 iyul, 22 iyul və ya 5 avqust tarixlərində gündəlik 24 saatdan təxminən 1,5 millisaniyə daha qısa bir gün ola bilər. Bu fərq insan gözü ilə görünməsə də, atom saatları üçün önəmlidir və GPS, peyk sistemləri kimi texnoloji qurğulara təsir edir.

Günlərin sürətlə keçməsinin səbəbi məlum olub. Dünyanın fırlanma sürətindəki artımın dəqiq səbəbi hələ tam bilinməsə də, alimlər bunun yer qabığının dərinliklərində baş verən geoloji proseslərlə əlaqəli olduğunu və hətta qlobal iqlimə təsir göstərə biləcəyini düşünürlər.

Bu sürət dəyişiklikləri yeraltı geoloji hərəkətlərlə yanaşı, Ay və Günəşin çəkim qüvvələri, Yer kürəsinin maye nüvəsindəki kütlə paylanması və atmosfer-okean hərəkətləri ilə bağlı ola bilər.

Əgər bu sürət artımı davam etsə, zaman ölçməsində "mənfi sıçrayış saniyəsi" adı verilən saniyə silinməsi lazım gələcək. Bu, atom saatları ilə zamanın sinxronlaşdırılması üçündür.

Qısaca, dünyanın sürətli fırlanması günlərin daha sürətlə keçməsi hissinə səbəb olur və bu hal həm təbiət, həm də texnologiya üçün əhəmiyyətlidir.

İsmayıl
Milli.Az