Ölkə

Kartdan pul çəkənlər daha tez tapılacaq - Yeni qayda

16 May 2025 13:30

Baxış: 1 786

VTB-də minimal faiz dərəcəsi ilə nağd kredit 9.9%-dən

#BANK KARTLARI

Milli Məclisin plenar iclasında bank kartlarından pul oğurluğu ilə bağlı istintaq hərəkətlərinin gecikmədən aparılması barədə dəyişikliklər müzakirə olunub və birinci oxunuşda qəbul edilib.

Qanun layihəsinə əsasən, müasir informasiya texnologiyalarından istifadə edilərək bank hesablarından vəsaitlərin talanması hallarının istintaqı daha operativ şəkildə aparılacaq.

Hazırda şəxsi və kommersiya sirri hesab edilən məlumatların əldə olunması məhkəmə qərarı tələb edir. Yeni dəyişikliyə görə, belə istintaq hərəkətləri təxirəsalınmaz olduqda, müstəntiqin əsaslandırdığı vəsatət 24 saat ərzində məhkəmə tərəfindən baxılacaq.

Bu dəyişikliklərlə bank kartı oğurluğu cinayətlərinin araşdırılması sürətləndiriləcək.

Milli.Az