Ölkə

18 əl baqajı toplama nöqtəsi və özünəxidmət məntəqəsi açılacaq - Rəşad Haqverdiyev

16 May 2024 11:44
Baxış: 1 335
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Biz təhlükəsizlik, müştəri məmnuniyyəti, rəqəmsallaşma kimi məsələləri diqqətə alırıq.

Milli.Az Trend-ə istinadən bildirir ki, bu barədə Azərbaycan Hava Yolları Sağlamlıq, Əməyin Təhlükəsizliyi, Ətraf Mühitin Mühafizəsi (SƏTƏMM) və Keyfiyyətə Nəzarət (KN) idarəsinin direktoru Rəşad Haqverdiyev "GSMA M360 Eurasia 2024" konfransı çərçivəsində keçirilən "COP29-un qurulmasında iqlim öhdəliklərinə yeni həyat nəfəsi" adlı paneldə çıxışı zamanı deyib.

O bildirib ki, yeni bir proqram təminatından istifadə edərək ən yaxşı marşurut müəyyənləşdiriləcək və bu da karbon emissiyasını azaldacaq.

"Avqust ayından etibarən 18 əl baqajı toplama nöqtəsi və 17 özünəxidmət məntəqəsi açıqlacaq ki, bu da 10 ton kağızın qənaətinə gətirib çıxaracaqdır. Bu isə ildə 175 ağacın qorunması mənasına gəlir. Azərbaycan Hava Yolları həmçinin hər il ağacəkmə aksiyalarında iştirak edir. Biz fəal olaraq müasir suvarma sistemlərindəm istifadə edirik",- deyə o bildirib.

Qeyd edək ki, Bakıda ikinci dəfə Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və "Azercell Telekom" MMC-nin baş sponsorluğu ilə keçirilir.

Tədbir çərçivəsində rəqəmsal dövrün ən aktual tendensiyaları ətrafında fikir mübadiləsi aparılır. Konfransa beynəlxalq və regional ekspertlər, şirkət rəhbərləri və region üzrə tənzimləyici qurumların nümayəndələri qatılıb. Onlar həm regionun, həm də digər ölkələrin rəqəmsal transformasiyasının sürətləndirilməsi üçün bütün bazar iştirakçılarının birgə fəaliyyətinin əhəmiyyəti haqqında danışırlar.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.