Ölkə

"Onlar bu xəbərləri onlayn oxumaq istəyirlərsə, biz bunu təqdim etməliyik" - Fırat Karadeniz

25 Noyabr 2022 09:26
Baxış: 425

Azərbaycan və Türkiyə arasındakı media sahəsində əməkdaşlığın davam etməsini arzu edirik. Ümid edirik ki, gələcək dövrlərdə bu əlaqələr daha da inkişaf edəcək.

Bu barədə Trend-ə özəl açıqlamasında "Hürriyet" qəzetinin xəbər koordinatoru Fırat Karadeniz deyib.

Onun sözlərinə görə, həm Azərbaycan, həm də Türkiyə mediasında müəyyən çatışmazlıqlar var və bunlar üzərində iş aparılmalıdır.

"Xüsusilə sosial media və rəqəmsal yeniliklərə sürətlə uyğunlaşmalıyıq. Çünki ənənəvi media yavaş-yavaş geridə qalır. Təbii ki, bunun da müxtəlif səbəbləri var. Bizim üzərimizə düşən ənənəvi media təcrübələri ilə rəqəmsal yenilikləri birləşdirməkdir", - deyə o əlavə edib.

"E-köşk" qəzet və jurnalların rəqəmsal yayım platformasından bəhs edən F. Karadeniz, çap mediasının qorunub, gələcəyə ötürülməsinin vacibliyini qeyd edib.

"Çap mediasının istənilən şəraitdə qorunub gələcəyə ötürülməsinin tərəfdarıyam. Bu bir prestij, mədəniyyət məsələsidir. Lakin yeni oxucu kütləsinin, gənclərin istəklərini də görməzdən gələ bilmərik. Onlar bu xəbərləri onlayn oxumaq istəyirlərsə, biz bunu təqdim etməliyik", - deyə o vurğulayıb.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics