Ölkə

“Reuters” Şuşadan reportaj hazırlayıb: “Azərbaycanın İsveçrəsi...”

7 İyun 2022 12:22
0 Şərh     Baxış: 1 813
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Şuşa ərazisini meşəli təpələri və yumşaq iqlimindən dolayı bir zamanlar "Azərbaycanın İsveçrəsi" adlandırırdılar".

Milli.Az "Report"a istinadən xəbər verir ki, bu sözlər dünyanın ən nüfuzlu informasiya agentliklərindən olan "Reuters"in Şuşa şəhəri barədə reportajında yer alıb.

"İlyarım öncə Azərbaycan qüvvələrinin geri aldığı Şuşa 1992-ci ildə ermənilərin 15 min azərbaycanlı əhalini qovaraq zəbt etdiyi şəhərdir. Burada məskunlaşan və adını "Şuşi" qoyan 4 000-ə yaxın etnik erməni geridə 1992-ci ilin izlərini hələ də daşıyan boş bir şəhəri qoyub qaçıb", - yazıda qeyd olunub.

Bildirilib ki, Azərbaycanın inşaatçıları şəhərin küçələrini tədricən dirçəldirlər:

"Yerli icra hakimiyyətinin, polis idarəsinin və baş poçt idarəsinin binası bərpa edilib, Gövhər ağa məscidinin və Qazançetsots erməni pravoslav kilsəsinin ətrafında taxtabəndlər (bərpası üçün - "Report") qurulub.

Üç hotelin tikintisi Azərbaycan hökumətinə hər il keçirilən Bakı Enerji Həftəsi konfransı üçün Şuşanı seçməyə və BƏƏ-nin Masdar firmasının Azərbaycan üçün birlikdə elektrik enerjisi istehsal edəcək günəş və külək elektrik stansiyaları tikəcəyini elan etməyə imkan verib.

Üç supermarket açıqdır və həftədə beş avtobus Şuşa ilə Azərbaycanın paytaxtı Bakını birləşdirərək yerli turistləri və işçiləri buraya gətirir".

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.