Avto

Çin maşınlarının mühərriklərində yaranan ciddi PROBLEMLƏR

18 May 2025 04:04

Baxış: 1 724

VTB-də minimal faiz dərəcəsi ilə nağd kredit 9.9%-dən

#AVTO #CHİNA #SÜRÜCÜ #AVTOMOBİL

Əksər Çin avtomobillərində quraşdırılmış 1.5 litrlik turbinli mühərriklər maksimum 250 min kilometr yürüş üçün nəzərdə tutulub ki, bu da əksər avtomobillərin zəmanətində əks olunur.

Milli.Az oxu.az-a istinadən xəbər verir ki, bu barədə gazeta.ru-ya rusiyalı avtomobil mütəxəssisi Aleksandr Nosko bildirib.

Qeyd olunur ki, Çin avtomobillərində zəmanət dövrünün ortasında belə problemlər üzə çıxır.

"100 min km-də 1.5 litrlik Çin mühərriklərində tez-tez sensorlar və alışma babinləri sıradan çıxır, yağsızma və dumanlanma problemləri yaranır. 200 min km yürüşdən sonra mühərrik yağı sərfiyyatının artması riski yüksəkdir, problem klapanların bərkimiş yağ qapaqcıqlarındadır, həmçinin yağ turbinə daxil olur", - deyə ekspert izah edib.

Eyni zamanda, çuqun bloku sayəsində Çin mühərrikləri alüminiumdan hazırlanan Avropa mühərrikləri ilə müqayisədə daha etibarlı hesab olunur. Çuqun bazalarının həddindən artıq istiləşmə riski daha azdır və blokun həndəsi bütövlüyü daha uzun müddət saxlanılır.

Marketinq baxımından Çin istehsalçıları tez-tez mühərrikləri üçün "Aİ-92" markalı benzindən istifadə etməyi tövsiyə edirlər. Lakin bu yanacaq yüksəkoktanlı "Aİ-95"ə nisbətən partlamaya daha çox meyillidir, bu da qurğunun gücünün və xidmət müddətinin azalmasına səbəb olur.

Yağı hər 7 min km-də bir dəfə dəyişdirmək tövsiyə olunur. Onun sinfinə diqqət yetirməyə dəyər, çünki aztutumlu yüksəkgüclü mühərriklər aşağı sürətlə yanacağın vaxtından əvvəl alovlanmasına meyillidirlər. Nosko vurğulayıb ki, bütün yağlar bu halla mübarizə apara bilmir.

Milli.Az