Avto

"Tesla" üçün görünməmiş ziyan

4 Aprel 2025 19:57
Baxış: 1 560
VTB-də minimal faiz dərəcəsi ilə nağd kredit 9.9%-dən
#AVTO #AVTOMOBİL #SƏNAYE #TESLA MOTORS

Amerikalı sahibkar İlon Maskın "Tesla" şirkəti görünməmiş ziyana məruz qalıb.

Milli.Az oxu.az-a istinadən xəbər verir ki, bu barədə "JPMorgan"ın analitiki Rayan Brinkman bildirib.

Qeyd olunub ki, birinci rübdə "Tesla"nın avtomobil tədarükü gözləndiyindən xeyli aşağı düşüb.

Məlumata görə, "Tesla"nın səhmləri bu gün müntəzəm ticarətə başlamazdan əvvəl 5%-dən çox ucuzlaşıb. Onların rekord həddə çatdığı dekabrın 17-dən hesablasaq, azalma 44% olaraq qiymətləndirilir.

Yanvar-mart aylarında "Tesla"nın 336 681 avtomobil tədarük etdiyi vurğulanıb. Bu, 2022-ci ildən bəri ən pis rüblük nəticə olub. İndi "JPMorgan" "Tesla"nın birinci rübdə qazancının bir səhmə görə 36 sentə düşəcəyini proqnozlaşdırır ki, bu da əvvəlki 40 sentlik proqnozdan və orta analitik təxmindən (46 sent) aşağıdır.

"Bloomberg" xatırladıb ki, ABŞ-də prezident seçkisində Ağ Ev rəhbəri Donald Trampın sponsoru olan Mask dəfələrlə avropalı siyasətçiləri tənqid edib, ifrat sağçı partiyaların və fəalların lehinə çıxış edib, bu da, "Tesla" əleyhinə işləyib. Məsələn, Almaniyada onun satışları ötən rübdə 62% azalıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.