Amerika

Pentaqon “pizza indeksi” vasitəsilə düşmənləri aldatmağa hazırlaşır

24 Fevral 2026 15:28

Baxış: 251

VTB-də minimal faiz dərəcəsi ilə nağd kredit 10.49%-dən

#AMERİKA #PİZZA

ABŞ-nin müdafiə naziri Pete Hegseth zarafatla bildirib ki, onun rəhbərlik etdiyi qurum istənilən gün "pizza indeksini" süni şəkildə artıra bilər.

Milli.Az xəbər verir ki, o, bu barədə Fox News kanalında yayımlanan çıxışı zamanı internetdə məşhur olan hərbi əməliyyatların proqnozlaşdırılması üsulunu şərh edərkən danışıb.

Nazir Pentagon yaxınlığındakı pizzaxanaların sifariş sıxlığına əsasən mümkün döyüş əməliyyatlarını təxmin etməyə çalışan sosial şəbəkə hesabına münasibət bildirib.

"Bu hesabdan xəbərim var. Yeməkxanaya getmək əvəzinə təsadüfi axşamlarda çoxlu pizza sifariş etməyi düşünmüşəm ki, hamını çaşdıraq. Məsələn, hansısa cümə axşamı xəritədə kütləvi sifarişlər görsəniz, bəlkə də bu, sadəcə mənəm və sistemi pozaraq hamını çaşdırıram", - deyə Hegseth qeyd edib.

Ayxan
Milli.Az