İdman

Şəmkirin eyniadlı komandası hazırlığını davam etdirir

11 Sentyabr 2013 12:20
0 Şərh     Baxış: 875
VTB-də minimal faiz dərəcəsi ilə nağd kredit 10.49%-dən
#İDMAN #BÖLGƏ XƏBƏRLƏRİ #AZƏRBAYCAN FUTBOLU
Milli.Az Kəpəz TV-yə istinadən xəbər verir ki, futbol üzrə Azərbaycan çempionatının birinci divizionunda mübarizə aparacaq Şəmkirin eyniadlı komandası hazırlığını davam etdirir. Kollektiv məşqlərini yerli Olimpiya İdman Kompleksinə məxsus arenada keçir.

Mövsümlərarası fasilədə komandada baş verən məşqçi dəyişikliyi və sükanın Ruslan Abbasova tapşırılması heyətin yenilənməsi ilə nəticələnib. Aşağı liqada bu ildən tətbiqinə başlanılan 21 yaşadək futbolçu limiti də komandaya təsirsiz ötüşməyib.

"Şəmkir"in baş məşqçisi Ruslan Abbasov: "Hazırda komandanın düşərgəsində 21 futbolçu var onlardan 6-7-si formadadır. Qalanı isə hələ gəncdir. Hazırlığa iki aya yaxındır başlamışıq. Uşaqlar, demək olar ki, 70% faiz hazırdırlar".

"Şəmkir" çempionatda yenə iddiasız olacaq. Komandanın qarşısına Premyer Liqaya çıxmaq kimi ciddi məqsədlər qoyulmayıb.

"Bizim fikrimiz odur ki, bacardığımız qədər xal yığaq. Çalışacağıq ilk altılığa daxil olaq. Bizi buraya dəvət edəndə qarşımıza əsas məqsəd kimi gənc futbolçuları yetişdirmək qoyuldu. Lakin bunun üçün bizə yaxşı oynaya bilən futbolçular lazımdır. Bunun üçün bizdə haradasa 6-ya yaxın uşaq var ki, komandanı öz arxasınca çəkib apara bilər".

Şəmkir klubu çempionatda ilk oyununu sentyabrın 16-da doğma meydanda keçirəcək. "Qırmızı-ağlar" ölkənin futbol xəritəsinə yenidən qayıdan İmişlinin "Mil-Muğan" komandasını qəbul edəcəklər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.