Dünya

Bill Qeyts haqlı çıxdı - Peyvənd yaradıcısından ŞOK AÇIQLAMA

29 Noyabr 2021 11:12
3 Şərh     Baxış: 7 661

5 milyondan çox insanın ölümünə səbəb olan COVID-19-la mübarizə bütün sürətiylə davam etdiyi bir vaxtda daha yeni bir mutasiya dünyanı təşvişə salıb.

Milli.Az Publika.az-a istinadən xəbər verir ki, Ümumdünya Səhiyyə Təşkilatı Cənubi Afrikada yayılan və B.1.1.529 adlandırılan yeni mutasiyanın adını "Omikron" adlandırdığını açıqlayıb. Bu mutasiyanın digər variantlardan daha yoluxucu olduğunu bildirən ÜST açıqlamasında "Mutasiyada qorxulu olan çox sayda mutasiya var. İlkin tapıntılar göstərir ki, yeni mutasiyanın yoluxuculuq riski daha yüksəkdir" bildirib.

Bu açıqlamalardan sonra "Omikron"un yeni bir pandemiyaya səbəb olub-olmayacağı narahatlıq doğurur. Bir çox ölkə variantın aşkarlandığı bölgələrə səyahət qadağası tətbiq etsə də, İsrail sərhədlərini bağlayan ilk ölkə olub.

Bütün bu hadisələr Bill Qeytsin ötən aylarda verdiyi proqnozu bir daha gündəmə gətirib. Qeyts "The Wall Street Journal"a verdiyi açıqlamada "növbəti pandemiyaya hazır olmalıyıq" proqnozunu vermişdi: "Pandemiya hazırlıqlarının gözlədiyimdən aşağı olmasından bir az narahatam. Dünyanın növbəti pandemiyaya hazır olması üçün 100 gün ərzində peyvənd istehsal etmək və 100 gün ərzində milyonlarla insana təqdim etmək potensialına malik olmalıyıq. Bizim bu gücə malik fabriklər tikmək imkanımız var. Ancaq hələ də lazımi addımlar atılmır".

Qeytsin həmtəsisçisi olduğu Bill və Melinda Qeyts Fondu ölkələri vaksin istehsal etmək imkanları da daxil olmaqla səhiyyə sistemlərinə daha çox sərmayə qoymağa çağırıb.

Bəzi ekspertlərsə yeni variantın peyvəndin effektivliyini aşağı saldığını deyir. Koronavirus peyvəndini hazırlayan "Moderna" şirkətinin baş həkimi Dr. Paul Burton yeni bir peyvəndin hazırlanması istiqamətində araşdırmalara başladığını açıqlayıb. Burton BBC-nin "Endryu Marr" şousuna verdiyi müsahibədə bildirib ki, əgər yeni peyvənd lazımdırsa, o, 2022-ci ilin əvvəlində hazır olacaq.

Yeni mutasiyanın peyvənddən yayına biləcəyindən şübhələndiyini söyləyən Burton qeyd edib ki, bu, çox narahatedici bir virusdur.

Milli.Az 

35 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    azər · 29 Noyabr 2021 11:3221

    COVİD in yaradıcısı, dünyanı məhv edən şeytan xislətli məxluq. Allah bəlanı versin.

    Cavab yaz
  • Anonim
    Bezdirmisizzz · 29 Noyabr 2021 11:3701

    Rədd olunda-Moşeyniklər!!!

    Cavab yaz
  • Anonim
    Kami · 29 Noyabr 2021 12:1010

    "Pandemiya" serialinin 2-ci sezonu baslayir. Cox maraqli olacaq, mutleq izleyin!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.