Dünya

YUNESKO süni intellekt sahəsində ilk qlobal etik standartları qəbul edib

26 Noyabr 2021 09:00

0 Şərh Baxış: 562

VTB-də minimal faiz dərəcəsi ilə nağd kredit 9.9%-dən

YUNESKO-ya üzv dövlətlər süni intellektin inkişafı üçün ilk qlobal etik standartları qəbul ediblər.

Milli.Az Trend-ə istinadən xəbər verir ki, bu barədə təşkilatın mətbuat xidməti bildirib.

Məlumatda qeyd olunub ki, tövsiyyələr insanlara süni intellektin cəmiyyətə gətirdiyi faydaları əldə etməyə və bu texnologiyalarla bağlı riskləri azaltmağa kömək etmək məqsədi daşıyır.

Vurğulanıb ki, süni intellekt cəmiyyətin üzləşdiyi mürəkkəb problemləri, xüsusən də xərçəngin müalicəsi, aclıqla mübarizə və yardımın ehtiyacı olan ölkələrə daha səmərəli paylanmasında, həll edə bilər.

Press-relizdə qeyd olunub ki, "eyni zamanda, bu texnologiyalar "məxfiliyə təhlükə" və "kütləvi nəzarətin təşkili təhlükəsi" kimi görünməmiş çağırışları yaradır".

Xüsusilə, tövsiyələr şirkətləri və dövlətləri fərdi məlumatların qorunmasının effektivliyini artırmağa çağırır.

Tövsiyələrin digər müddəası kütləvi müşahidənin təşkili üçün süni intellektdən istifadənin qadağan edilməsi ilə bağlıdır.

Sənəddə həmçinin iqlim dəyişikliyi ilə mübarizədə süni intellektdən fəal istifadəyə çağırış da yer alıb.

Milli.Az