Dünya

Maykl Cordanın krossovkaları rekord məbləğə satılıb

25 Oktyabr 2021 17:48
0 Şərh     Baxış: 570

"Sotheby's" auksionunda dünya şöhrətli basketbolçu Maykl Cordanın 1984-cü ildə NBA-da debüt mövsümündə çıxış etdiyi bir cüt idman ayaqqabısı 1,472 mln. ABŞ dollarına satılıb.

Milli.Az "APA-Economics"ə istinadən bildirir ki, bu barədə "Sotheby's" hərrac evinin "Twitter" səhifəsində deyilir.

Qeyd edək ki, "Nike" şirkəti bu ayaqqabıları xüsusi olaraq basketbolçu üçün hazırlayıb. Bu, indiyə qədər hərracda satılan ən bahalı idman ayaqqabısıdır.

Lot 1-1,5 mln. dollar civarında qiymətləndirilib. Sözügedən krossovkalara eyni zamanda kolleksiya kartları toplayan Nik Fiorella sahib çıxıb.

Xatırladaq ki, cari ilin may ayında Maykl Cordanın maykası "Heritage" auksionunda 1,38 mln. dollara satılıb. Bu, idmançının forması üçün rekord məbləğ hesab edilir.

Maykl Cordan ikiqat Olimpiya çempionu (1984, 1992) və "Çikaqo" klubu ilə altıqat NBA çempionudur. O, beş dəfə NBA-nın ən yaxşı oyunçusu adına layiq görülüb. 2003-cü ildə idmançı karyerasını başa vurub.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.