Dünya

İrəvan Zəngəzur dəhlizinin açılmasına RAZILIQ VERDİ

23 Sentyabr 2021 23:05
3 Şərh     Baxış: 10 629

Ermənistanın baş nazirinin müavini Suren Papikyan Rusiyanın bu ölkədəki səfiri Sergey Kopırkinlə görüşüb.

Milli.Az teleqraf.com-a istinadən bildirir ki, bu barədə Ermənistan hökumətinin mətbuat xidməti məlumat yayıb.

Görüşdə iki ölkə arasındakı münasibətlər, Qarabağdakı 44 günlük müharibədən sonra bölgədəki vəziyyət və regionda kommunikasiyaların açılması məsələləri müzakirə edilib.

Tərəflər Cənubi Qafqaz dəmir yolunun imkanlarının yenilənməsinin Ermənistanın və bölgənin digər ölkələrinin inkişafına təkan verəcəyini bildiriblər. Suren Papikyan regional kommunikasiyaların blokadadan çıxarılması kontekstində həm üçtərəfli formatda, həm də ATƏT-in Minsk qrupu çərçivəsində Rusiyanın xüsusi və effektiv rolunu vurğulayıb.

Tərəflər Gorus-Qafan yolundakı son durumla bağlı da danışıblar.

Qeyd edək ki, Cənubi Qafqaz dəmir yolunun Azərbaycandan keçən hissəsi 1989-cu ildən fəaliyyətini dayandırıb. Dəmir yolunun Türkiyəyə uzanan hissəsi də işləmir.

Rusiya, Azərbaycan və Ermənistan arasında imzalanmış üçtərəfli anlaşmalar Zəngəzurdan keçməklə Naxçıvanı Azərbaycanın əsas hissəsi ilə birləşdirəcək dəmir yolunun bərpasını da nəzərdə tutur. Avtomobil yolunun açılmasına razılıq verdiyini bildirən Ermənistan hələlik dəmir yolunun açılmasına etiraz edir. Baş nazirin müavini ilə səfir arasında müzakirə olunan bu məsələ isə İrəvanın mövqeyinin yumşalması kimi qəbul oluna bilər.

Milli.Az

Şərh yaz:

3 Şərh:

  • Anonim
    Moskovsi · 23 Sentyabr 23:4220

    Kimdiki irevan raziliqda vere 3000 sehidin vare

    Cavab yaz
  • Anonim
    Vuqar · 24 Sentyabr 08:4300

    O yol mutleq acilacaq ve bu Irevanin ixtiyarinda olmayan bir meseledir 1.Cin 2.Rusiya 3.Turkiye 4.Ingiltere 5.Iran Bu yolda cox maraqlidilar ne demeklerinden asili olmayaraq!

    Cavab yaz
  • Anonim
    Admin · 24 Sentyabr 10:4450

    Sizim yazdiğiniz başlıq hara yazdığınız məqalə hara . Baxiş sayini artirmaq üçün bilmirsiz nə edesiniz

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.